നൗഷാദ് റാവുത്തർ
യാംബു: കോവിഡ് ചികിത്സയിൽ കഴിയുന്നതിനിടെ തിങ്കളാഴ്ച രാവിലെ യാംബുവിൽ മരിച്ച കൊല്ലം മേക്കോൺ സ്വദേശി റാഫി കോട്ടേജ് വീട്ടിൽ നൗഷാദ് റാവുത്തറുടെ (50) മൃതദേഹം യാംബു ടൗൺ മഖ്ബറയിൽ സംസ്കരിച്ചു. കോവിഡ് മാനദണ്ഡങ്ങൾ പാലിച്ച് നടന്ന മയ്യിത്ത് നമസ്കാരത്തിലും ഖബറടക്കത്തിലും യാംബുവിലുള്ള സുഹൃത്തുക്കളും സന്നദ്ധ പ്രവർത്തകരുമടക്കം 30 ഓളം പേർ പങ്കെടുത്തു. യാംബുവിൽ 12 വർഷമായി ഡ്രൈവറായി ജോലി ചെയ്യുകയായിരുന്ന നൗഷാദ് കോവിഡ് ബാധിച്ച് ജനറൽ ആശുപത്രി തീവ്രപരിചരണ വിഭാഗത്തിൽ ചികിത്സയിൽ കഴിയുേമ്പാഴാണ് മരിച്ചത്.
സ്പോൺസർ ഖാലിദ് സഈദ് രിഫാഇ, കെ.എം.സി.സി നേതാക്കളായ മുസ്തഫ മൊറയൂർ, നാസർ നടുവിൽ, അബ്ദുൽ ഹമീദ് റിഹാബ്, ഒ.ഐ.സി.സി നേതാക്കളായ അഷ്കർ വണ്ടൂർ, സിദ്ദീഖുൽ അക്ബർ, സുഹൃത്തുക്കളായ ശഫീഖ് ഉപ്പൂട്ടിൽ, ഫൈസൽ ചാലിയം, ഹാരിസ്, മുജീബ്, മഷ്ഹൂർ തുടങ്ങിയവർ നടപടികൾ പൂർത്തിയാക്കാൻ രംഗത്തുണ്ടായിരുന്നു. പരേതനായ പോളയത്തോട് നീലപ്പുരയിൽ അബ്ദുൽ ഹമീദ് ആണ് പിതാവ്. മാതാവ്: സുബൈദ ബീവി. ഭാര്യ: സൈഫുന്നിസ. മക്കൾ: മുഹമ്മദ് റാഫി, നൗറിൻ ഫാത്വിമ. സഹോദരങ്ങൾ: നാസറുദ്ദീൻ, റഹ്മത്ത് ബീവി, റംലാബീവി, ഷൈല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.