ബഷീർ മൂന്നിയൂർ, സിറാജ് വയനാട്, മുഹമ്മദ് കുട്ടി മാതാപ്പുഴ,
ഉസ്മാൻ കിളിയമണ്ണിൽ
അബഹ: കെ.എം.സി.സി ഖമീസ് മുശൈത്ത് സെൻട്രൽ കമ്മിറ്റിക്ക് പുതിയ ഭാരവാഹികളെ തെരഞ്ഞെടുത്തു. ഹോട്ടൽ സഹാബ് കോൺഫറൻസ് ഹാളിൽ ചേർന്ന ജനറൽ കൗൺസിൽ യോഗത്തിൽ വെച്ചാണ് പുതിയ കമ്മിറ്റിയെ തെരഞ്ഞെടുത്തത്. അസീർ മേഖയിലെ 17 ഏരിയ കമ്മിറ്റികളിൽനിന്ന് തെരഞ്ഞെടുക്കപ്പെട്ട പ്രതിനിധികൾ പങ്കെടുത്ത ജനറൽ കൗൺസിൽ യോഗം മസ്ലിംലീഗ് സംസ്ഥാന വൈസ് പ്രസിഡന്റ് അബ്ദുറഹ്മാൻ കല്ലായി ഉദ്ഘാടനം ചെയ്തു.
ബഷീർ മൂന്നിയൂർ അധ്യക്ഷത വഹിച്ചു. മൊയ്തീൻ കട്ടുപ്പാറ റിപ്പോർട്ടും ജലീൽ കാവനൂർ വരവുചെലവ് കണക്കുകളും അവതരിപ്പിച്ചു. മക്ക കെ.എം.സി.സി കമ്മിറ്റി പ്രസിഡന്റ് കുഞ്ഞിമോൻ കാക്കിയയുടെ നേതൃത്വത്തിൽ ജീസാൻ കെ.എം.സി.സി കമ്മിറ്റി പ്രസിഡന്റ് ഹാരിസ് കല്ലായി, ഖുൻഫുദ കമ്മിറ്റി ജനറൽ സെക്രട്ടറി ഫൈസൽ ബാബു എന്നിവർ തെരഞ്ഞെടുപ്പ് നിയന്ത്രിച്ചു.
റിയാദ് കെ.എം.സി.സി കമ്മിറ്റി പ്രസിഡന്റ് സി.പി. മുസ്തഫ, ഉപാധ്യക്ഷനും നാഷനൽ കമ്മിറ്റി സെക്രട്ടേറിയറ്റ് അംഗവുമായ മുജീബ് ഉപ്പട എന്നിവർ സംസാരിച്ചു. മൊയ്തീൻ കട്ടുപ്പാറ സ്വാഗതവും സിറാജ് വയനാട് നന്ദിയും പറഞ്ഞു.
ഭാരവാഹികൾ: ബഷീർ മൂന്നിയൂർ (പ്രസി), സിറാജ് വയനാട് (ജന. സെക്ര), മുഹമ്മദ് കുട്ടി മാതാപ്പുഴ (ട്രഷ), ഉസ്മാൻ കിളിയമണ്ണിൽ (ചെയർ), സലീം പന്താരങ്ങാടി (ഓർഗ. സെക്ര), ജലീൽ കാവനൂർ, മൊയ്തീൻ കട്ടുപ്പാറ (സീനിയർ വൈ. പ്രസി), മജീദ് കൂട്ടിലങ്ങാടി, കാസിം മട്ടന്നൂർ, ഹാഫിസ് രാമനാട്ടുകര, സിദ്ദീഖ് വേങ്ങര, പി.വി. ഷഫീഖ് (വൈ. പ്രസി.), ഹസ്റത്ത് കടലുണ്ടി, നജീബ് തുവ്വൂർ, സാദിഖ് കോഴിക്കോട്, ഉമ്മർ ചെന്നാരിയിൽ, അലി സി. പൊന്നാനി, ഹസീബ് പറമ്പിൽപീടിക, ജമാൽ അങ്ങാടിപ്പുറം (ജോ. സെക്ര.), അമീർ കോട്ടക്കൽ (ഓഡിറ്റർ). 17 അംഗ എക്സിക്യൂട്ടിവിനെയും തെരഞ്ഞെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.