സൗദി ദേശീയ ദിനത്തിൽ ദമ്മാം മലപ്പുറം ജില്ല കെ.എം.സി.സി നടത്തിയ മെഡിക്കൽ ക്യാമ്പ്
ദമ്മാം: സൗദി ദേശീയ ദിനാഘോഷത്തിൽ പങ്കാളികളായി ദമ്മാം മലപ്പുറം ജില്ലാ കെ.എം.സി.സിയും ദമ്മാം അബീർ മെഡിക്കൽ സെന്ററും സംയുക്തമായി സൗജന്യ രോഗ നിർണയ ക്യാമ്പ് സംഘടിപ്പിച്ചു. രാവിലെ ഒമ്പത് മുതൽ വൈകീട്ട് ആറു വരെ നടന്ന ക്യാമ്പിൽ ദമ്മാം പരിസരപ്രദേശങ്ങളിലെ ലേബർ ക്യാമ്പുകളിൽ നിന്നടക്കമുള്ള നൂറു കണക്കിന് ആളുകൾ പങ്കെടുത്തു.
സൗദി നാഷനൽ കമ്മിറ്റി ജനറൽ സെക്രട്ടറി ഖാദർ ചെങ്കള ക്യാമ്പ് ഉദ്ഘാടനം ചെയ്തു. പ്രസിഡൻറ് കെ.പി. ഹുസൈൻ അധ്യക്ഷത വഹിച്ചു. നാഷനൽ സെക്രട്ടേറിയറ്റ് മെംബർ മാലിക് മക്ബൂൽ, ദമ്മാം സെൻട്രൽ കമ്മിറ്റി പ്രസിഡൻറ് ഹമീദ് വടകര, സെക്രട്ടറി മുജീബ് കൊളത്തൂർ, അൽ-കോബാർ സെൻട്രൽ കമ്മിറ്റി പ്രസിഡൻറ് ഇക്ബാൽ ആനമങ്ങാട്, ജില്ലാ കെ.എം.സി.സി പ്രസിഡന്റ് ഫൈസൽ കൊടുമ, അബീർ ഓപറേഷൻ മാനേജർ നജ്മുന്നിസ വെങ്കിട്ട തുടങ്ങിയവർ സംസാരിച്ചു.
ജനറൽ സെക്രട്ടറി ജൗഹർ കുനിയിൽ സ്വാഗതവും കെ.എം. ഷമീം നന്ദിയും പറഞ്ഞു. സഹീർ മുസ്ലിയാരങ്ങാടി, ആസിഫ് മേലങ്ങാടി, മുഹമ്മദ് കരിങ്ങപ്പാറ, റിയാസ് മമ്പാട്, ടി.ടി. കരീം, വാഹിദ് ഏറനാട്, നസീർ ബാബു, അക്ബർ കാട്ടുപ്പാറ, ഷുഹൈബ് മഞ്ചേരി, ശിഹാബ് മേൽമുറി, ഹുസൈൻ തിരൂർ, ഉസ്മാൻ തിരൂരങ്ങാടി തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.