അസീർ മലർവാടി ബാലസംഘം സംഘടിപ്പിച്ച ഇഫ്താർ സംഗമത്തോടനുബന്ധിച്ചു നടന്ന മത്സരങ്ങളിൽ വിജയികളായവർ സമ്മാനങ്ങളുമായി
ഖമീസ് മുശൈത്ത്: കുട്ടികൾക്ക് മാത്രമായി അസീർ മലർവാടി ബാലസംഘം സംഘടിപ്പിച്ച ഇഫ്താർ സംഗമം കൗതുകമായി. വീടുകളിൽ തയാറാക്കിയ വിഭവങ്ങളുമായാണ് കുട്ടികൾ ഇഫ്താർ സംഗമത്തിലേക്കെത്തിയത്. ഇഫ്താർ സംഗമങ്ങൾ പരസ്പര സ്നേഹത്തിന്റെയും കൂട്ടായ്മയുടെയും കൈമാറ്റമാണെന്ന് വിളംബരം ചെയ്യുന്നതായിരുന്നു പലഹാരങ്ങളുടെ പരസ്പര കൈമാറ്റത്തിലൂടെ കുട്ടികൾ പഠിച്ചത്. ഡോ. അഹമ്മദ് സലീൽ (കിങ് ഖാലിദ് യൂനിവേഴ്സിറ്റി) റമദാൻ സന്ദേശം നൽകി.
മാലാഖമാരുടെ മനസ്സുമായി ജീവിക്കുന്നവരാണ് കുട്ടികളെന്നും വലുതാകുമ്പോഴും അല്ലാഹുവിനിഷ്ടപ്പെട്ടവരായി ജീവിക്കാൻ റമദാനിലൂടെ കുട്ടികൾ പരിശീലിക്കണമെന്നും അദ്ദേഹം പറഞ്ഞു. കളിയും ചിരിയും ചിന്തയും വിതറി വഹീദ് മൊറയൂർ ഗുണപാഠകഥ പറഞ്ഞു.
സംഗമത്തോടനുബന്ധിച്ച് വിവിധ മത്സരങ്ങളും നടന്നു. മത്സര വിജയികൾ: മുഹമ്മദ് സാജിദ് സക്കീർ, ആയിശ അഫ സലീൽ, നിഹാൽ സലീൽ, മെഹ്റിൻ ഫൈസൽ, ശസ ഫാത്തിമ മുനീർ, ഐസ ശഹീർ, ലയാൻ സമീർ, മറിയം ജാഫർ, ജന്ന ജാഫർ, ആദിൽ ഫൈസൽ, ആഖിൽ സലീൽ, ഫാത്തിമ യാറ പിർസാദ്, മനാൽ സമീർ, ഹാജറ നസീർ, മുഹമ്മദ് ആദം, ഹയാ മറിയം, ലിയാ ഫാത്തിമ, ലുഖ്മാൻ, മെഹ്ദി പർവേസ് (ഖുർആൻ പാരായണം), ഈഹാബ് മുനീർ, നുമ ഫാത്തിമ (ഖുർആൻ മനഃപാഠം), നസ്മൽ നാസർ, ആയിശ മെഹ്റിൻ, ശാമിൽ സമീർ (ബാങ്ക് വിളി), മുഹമ്മദ് ശാദിൽ, ആഥ്വിഖ് (ഇംഗ്ലീഷ് ഇസ്ലാമിക ഗാനം), ഹവ്വാ മറിയം, ശസാ ഫാത്തിമ, ആയിശ വഫ, ആയിഷ ശഹീർ, ലയാൻ (അറബി ഗാനം), ഹയാ മറിയം, ജന്ന ജാഫർ, ഈഹാബ് മുനീർ (മാപ്പിളപ്പാട്ട്). ഡോ. നസീർ (കിങ് ഖാലിദ് യൂനിവേഴ്സിറ്റി), ഹാഫിദ് ഫവാസ് അബ്ദുൽ റഹീം, മുഹമ്മദ് അലി ചെന്ത്രാപ്പിന്നി, വഹീദുദ്ദീൻ മൊറയൂർ എന്നിവർ മത്സരവിജയികൾക്കുള്ള സമ്മാനദാനം നിർവഹിച്ചു. ഡോ. റസിയ, മെഹ്റു സലിം, സക്കീന ബീരാൻകുട്ടി, സൗദ അബ്ദുൽറഹ്മാൻ എന്നിവർ ഇഫ്താറിന് നേതൃത്വം നൽകി.
കുട്ടികൾക്കുള്ള റമദാൻ ചാർട്ടുകളും പ്രാർഥന ചാർട്ടുകളും വിതരണം ചെയ്തു. മലർവാടി അസീർ ചാപ്റ്റർ കൺവീനർ സുഹൈൽ പാറാടൻ അധ്യക്ഷത വഹിച്ചു. ശാസിൽ സമീർ ഖിറാഅത്ത് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.