യാംബു: നാലു പതിറ്റാണ്ടത്തെ പ്രവാസം മതിയാക്കി മടങ്ങുന്ന കണ്ണൂർ മാങ്കടവ് കല്ലൂരിക്കടവ് സ്വദേശി എം.കെ.പി. അബ്ദുസ്സമദിന് യാംബു കെ.എം.സി.സി കണ്ണൂർ ജില്ല കമ്മിറ്റി യാത്രയയപ്പ് നൽകി. യാംബു സെൻട്രൽ കമ്മിറ്റി ഓഫിസിൽ നടന്ന പരിപാടി സഅദ് നദ്വി ഉദ്ഘാടനം ചെയ്തു. കണ്ണൂർ ജില്ല കമ്മിറ്റി ആക്ടിങ് പ്രസിഡൻറ് ഷാഫി കല്ലീക്കൽ അധ്യക്ഷത വഹിച്ചു.
എം.കെ.പി. അബ്ദുസ്സമദിനുള്ള കെ.എം.സി.സിയുടെ ഉപഹാരം സെൻട്രൽ കമ്മിറ്റി ചെയർമാൻ മുസ്തഫ മൊറയൂർ നൽകി. സെൻട്രൽ കമ്മിറ്റി ജനറൽ സെക്രട്ടറി മാമുക്കോയ ഒറ്റപ്പാലം, അയ്യൂബ് എടരിക്കോട്, ഗൾഫ് മാധ്യമം യാംബു ലേഖകൻ അനീസുദ്ദീൻ ചെറുകുളമ്പ്, മൂസ തളിപ്പറമ്പ്, അലിയാർ ചെറുകാട് എന്നിവർ സംസാരിച്ചു. മുസ്തഫ മഞ്ചേശ്വരം ഗാനമാലപിച്ചു. നാസർ നടുവിൽ സ്വാഗതവും ഷാക്കിർ മാങ്കടവ് നന്ദിയും പറഞ്ഞു. അഷ്റഫ് മൗലവി ഖുർആൻ പാരായണം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.