അഫ്സൽ സഖാഫി ചാലിയം, നിയാസ് കാക്കൂർ, മൻസൂർ ചുണ്ടമ്പറ്റ
ജിദ്ദ: സമൂഹത്തിൽനിന്നും കുടുംബത്തിൽനിന്നും സ്വാതന്ത്ര്യം നേടണമെന്ന വാദവും ബന്ധങ്ങൾ ബാധ്യതയാണെന്ന ലിബറൽ ആശയങ്ങളും പരിഷ്കൃത സമൂഹത്തിന് അപകടകരമാണെന്നും നിയമങ്ങളും നിയന്ത്രണങ്ങളുമില്ലാത്ത സ്വാതന്ത്ര്യം സമൂഹത്തിന് നൽകി സ്ത്രീപുരുഷ സമത്വത്തിനുവേണ്ടി പ്രകൃതി യാഥാർഥ്യങ്ങളെ സാങ്കൽപികമാക്കാൻ ശ്രമിക്കുന്നത് ബുദ്ധിശൂന്യതയാണെന്നും ആർ.എസ്.സി യൂത്ത് കൺവീൻ അഭിപ്രായപ്പെട്ടു.
'നമ്മളാവണം' എന്ന പ്രമേയത്തില് മൂന്നു മാസമായി ഗ്ലോബല് തലത്തില് നടന്നുവരുന്ന അംഗത്വ പുനഃസംഘടന പ്രവര്ത്തനങ്ങളുടെ ഭാഗമായി യൂനിറ്റ്, സെക്ടർ, സോൺ കൺവീനിനു ശേഷമാണ് സൗദി വെസ്റ്റ് നാഷനൽ യൂത്ത് കൺവീൻ സംഘടിപ്പിച്ചത്.
സംഗമത്തിൽ ചെയര്മാന് ആശിഖ് സഖാഫി അധ്യക്ഷത വഹിച്ചു. വിവിധ സെഷനുകള്ക്ക് ഗൾഫ് കൗൺസിൽ അംഗങ്ങളായ സക്കരിയ ശാമിൽ ഇർഫാനി, നിഷാദ് അഹ്സനി, അൻസാർ കൊട്ടുകാട്, നൂറുദ്ദീൻ സഖാഫി, അലി ബുഖാരി, കബീർ ചേളാരി തുടങ്ങിയവർ നേതൃത്വം നൽകി. നൗഫൽ എറണാകുളം, റഷീദ് പന്തല്ലൂർ, ബഷീർ തൃപ്രയാർ തുടങ്ങിയവർ യൂത്ത് കൺവീനിലെ വിവിധ ചർച്ചകളും സംവാദങ്ങളും നിയന്ത്രിച്ചു. മൻസൂർ ചുണ്ടമ്പറ്റ സ്വാഗതവും നിയാസ് കാക്കൂർ നന്ദിയും പറഞ്ഞു.
സൗദി വെസ്റ്റ് ആര്.എസ്.സിയുടെ പത്ത് സോണുകളില് നിന്നുള്ള പ്രതിനിധികളാണ് നാഷനൽ യൂത്ത് കണ്വീനില് പങ്കെടുത്തത്. പുതിയ കമ്മിറ്റി ഭാരവാഹികളെ ആർ.എസ്.സി ഗൾഫ് കൗൺസിൽ സംഘടന കൺവീനർ സക്കരിയ ശാമിൽ ഇർഫാനി പ്രഖ്യാപിച്ചു. ഭാരവാഹികൾ: അഫ്സൽ സഖാഫി ചാലിയം (ചെയര്.), മൻസൂർ ചുണ്ടമ്പറ്റ (ജന. സെക്ര), നിയാസ് കാക്കൂർ (എക്സി. സെക്ര.), മുസ്തഫ പട്ടാമ്പി, ഉമൈർ മുണ്ടോളി (ഓര്ഗനൈസിങ്), മുഹമ്മദ് ഇർഷാദ് കടമ്പോട്ട്, യാസിർ അലി ഓമച്ചപ്പുഴ (ഫിനാന്സ്), മുഹമ്മദ് റാഫി കാടാമ്പുഴ, ജംഷീർ വയനാട് (മീഡിയ), സദക്കത്തുല്ല പൂക്കോട്ടുംപാടം, ബഷീർ നൂറാനി ദേവതിയാൽ (കലാലയം), ശരീഫ് കൊടുവള്ളി, ഫസീൻ അഹ്മദ് രാമനാട്ടുകര (വിസ്ഡം).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.