ജുബൈൽ: ന്യുമോണിയ ബാധിച്ച് ചികിത്സയിലായിരുന്ന കൊല്ലം സ്വദേശി മരിച്ചു. ജുബൈലിലെ പ്രമുഖ കമ്പനിയിൽ വർക്ക്ഷോപ് സൂപർവൈസർ ആയിരുന്ന കരുനാഗപ്പള്ളി മാടൻകാവ് ക്ഷേത്രത്തിന് സമീപം ഐശ്വര്യയിൽ ഗോപാല പിള്ളയുടെയും ശാന്തമ്മയുടെയും മകൻ ഗോപാലകൃഷ്ണ പിള്ള (55) ആണ് മരിച്ചത്.
രണ്ടാഴ്ച മുമ്പ് കടുത്ത പനിയെ തുടർന്നാണ് ജുബൈൽ ജനറൽ ആശുപത്രിയിൽ പ്രവേശിപ്പിച്ചത്. ചികിത്സക്കിടെ കോവിഡ് പരിശോധന നടത്തി പോസിറ്റീവാണെന്ന് സ്ഥിരീകരിച്ചിരുന്നു. രോഗം കലശലായതിനെ തുടർന്ന് ഖോബാർ അൽ-മന ആശുപത്രിയിലേക്ക് മാറ്റി. അവിടെ വെച്ച് ശനിയാഴ്ച പുലർച്ചെയാണ് മരിച്ചത്.
12 വർഷമായി ഒരേ കമ്പനിയിൽ ജോലി ചെയ്യുന്നു. ഭാര്യ: ശ്രീജ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.