നാട്ടിലേക്കു മടങ്ങുന്ന ജോമി എബ്രഹാമിനുള്ള യൂനിറ്റിന്റെ ഉപഹാരം പ്രസിഡന്റ് റനീസ് കൈമാറുന്നു
റിയാദ്: കേളി കലാസാംസ്കാരികവേദി മലസ് യൂനിറ്റ് അംഗം ജോമി എബ്രഹാമിന് യാത്രയയപ്പ് നൽകി. 18 വർഷമായി സൗദിയിൽ പ്രവാസിയായ ജോമി എബ്രഹാം കോട്ടയം പാലാ സ്വദേശിയാണ്. യൂനിറ്റ് പരിധിയിൽ ചേർന്ന യാത്രയയപ്പ് ചടങ്ങിൽ പ്രസിഡന്റ് റനീസ് കരുനാഗപ്പള്ളി അധ്യക്ഷത വഹിച്ചു.
കേളി പ്രസിഡന്റ് സെബിൻ ഇഖ്ബാൽ, ആക്ടിങ് സെക്രട്ടറി സുനിൽകുമാർ, ഏരിയ പ്രസിഡന്റ് നൗഫൽ പൂവ്വക്കുർശ്ശി, വൈസ് പ്രസിഡന്റ് മുകുന്ദൻ, മലാസ് ഏരിയ രക്ഷാധികാരി അംഗങ്ങളായ മുഹമ്മദ് അഷ്റഫ്, യൂനിറ്റ് വൈസ് പ്രസിഡന്റ് ടി.ബി. നൗഷാദ്, അൻവർ തുടങ്ങിയവർ സംസാരിച്ചു.
ജോമി എബ്രഹാമിനുള്ള യൂനിറ്റിന്റെ ഉപഹാരം പ്രസിഡന്റ് റനീസ് കൈമാറി. യൂനിറ്റ് ജോയന്റ് സെക്രട്ടറിയും രക്ഷാധികാരി കമ്മിറ്റി അംഗവുമായ ഇ.കെ. രാജീവൻ സ്വാഗതവും ജോമി എബ്രഹാം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.