മദീന: മസ്ജിദുന്നബവി മുറ്റങ്ങൾ ശുചീകരിക്കുന്ന ജോലിക്ക് മുന്നോട്ട് വന്ന സ്വദേശി യുവാക്കളെ ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുദൈസ് അനുമോദിച്ചു. ഇരുഹറമുകൾക്കും അവിടെയെത്തുന്നവർക്കും സേവനം നൽകുന്നത് അഭിമാനമാണെന്നും നല്ല നിലയിൽ ജോലിയിലേർപ്പെടാൻ ദൈവം തുണക്കെട്ടയെന്നും അദ്ദേഹം ആശംസിച്ചു. ആവശ്യമായ പരിശീലനം നൽകിയാണ് മസ്ജിദുന്നബവി കാര്യാലയം യുവാക്കളെ ജോലിക്ക് നിയമിച്ചിരിക്കുന്നത്. ആദ്യസംഘം പുറത്തിറങ്ങുന്ന ചടങ്ങ് ഇരുഹറം കാര്യാലയ മേധാവി ഉദ്ഘാടനം ചെയ്തു. അണ്ടർ സെക്രട്ടറി ശൈഖ് സ്വാലിഹ് അൽമുസീനി, ശുചീകരണ വിഭാഗം മേധാവി ഖാലിദ് അൽറഹീലി എന്നിവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.