സ​ന്ദ​ർ​ശ​ക​രെ ആ​ക​ർ​ഷി​ച്ച് ഹാ​ഇ​ലി​ലെ പൈ​തൃ​കോ​ത്സ​വം

ഹാ​ഇ​ൽ: സൗ​ദി​യു​ടെ വ​ട​ക്ക​ൻ ഭാ​ഗ​ത്ത് സ്ഥി​തി ചെ​യ്യു​ന്ന ന​ഗ​ര​മാ​യ ഹാ​ഇ​ലി​ൽ അ​ര​ങ്ങേ​റു​ന്ന പൈ​തൃ​കോ​ത്സ​വം സ​ന്ദ​ർ​ശ​ക​രെ ആ​ക​ർ​ഷി​ക്കു​ന്നു. ക​ല​യും പാ​ര​മ്പ​ര്യ​വും ച​രി​ത്ര​പ​ര​മാ​യ ആ​ധി​കാ​രി​ക​ത​യും സ​മ​ന്വ​യി​പ്പി​ക്കു​ന്ന​തും ക​ര​കൗ​ശ​ല വ​സ്തു​ക്ക​ളു​ടെ സ​മ്പ​ന്ന​മാ​യ പ്ര​ദ​ർ​ശ​ന​വും ‘ഹാ​ഇ​ൽ ഫെ​സ്​​റ്റി​വ​ലി’​നെ വേ​റി​ട്ട​താ​ക്കു​ന്നു. സൗ​ദി​യു​ടെ മ​ഹി​ത​മാ​യ ച​രി​ത്ര​ത്തി​​ന്റെ നാ​ൾ​വ​ഴി​ക​ൾ അ​റി​യാ​നും പു​തു​ത​ല​മു​റ​ക്ക് രാ​ജ്യ​ത്തി​ന്റെ പൗ​രാ​ണി​ക ച​രി​ത്ര​വി​വ​ര​ങ്ങ​ൾ പ​ക​ർ​ന്നു​ന​ൽ​കാ​നും മേ​ള വേ​ദി​യാ​കു​ന്ന​താ​യി പ്രാ​ദേ​ശി​ക പ​ത്രം റി​പ്പോ​ർ​ട്ട് ചെ​യ്തു.സൗ​ദി സാം​സ്കാ​രി​ക മ​ന്ത്രാ​ല​യം 2025 ‘ക​ര​കൗ​ശ​ല വ​സ്തു​ക്ക​ളു​ടെ വ​ർ​ഷ’​മാ​യി ആ​ച​രി​ക്കു​ന്ന​തു​മാ​യി ബ​ന്ധ​പ്പെ​ട്ടാ​ണ് മേ​ള സം​ഘ​ടി​പ്പി​ച്ചി​രി​ക്കു​ന്ന​ത്. പു​തി​യ ത​ല​മു​റ​യെ അ​വ​രു​ടെ പൈ​തൃ​ക​വു​മാ​യി ഇ​ട​പ​ഴ​കാ​നും സൗ​ദി ക​ര​കൗ​ശ​ല വി​ദ​ഗ്ധ​രു​ടെ ക​ഴി​വു​ക​ൾ പ്രാ​ദേ​ശി​ക​വും ആ​ഗോ​ള​വു​മാ​യി സ​ന്ദ​ർ​ശ​ക​രി​ലേ​ക്ക് ഉ​യ​ർ​ത്തി​ക്കാ​ട്ടാ​നും ക​ര​കൗ​ശ​ല വ​ർ​ഷാ​ച​ര​ണ​ത്തി​ലൂ​ടെ മ​ന്ത്രാ​ല​യം ല​ക്ഷ്യം വെ​ക്കു​ന്നു.

ഒ​രു മാ​സ​ക്കാ​ലം നീ​ണ്ടു​നി​ൽ​ക്കു​ന്ന ഹാ​ഇ​ലി​ലെ മേ​ള രാ​ജ്യ​ത്തി​​ന്റെ ഭൂ​ത​കാ​ല​ത്തി​ന്റെ ഒ​രു നേ​ർ​ക്കാ​ഴ്ച​യാ​ണ് സ​മ്മാ​നി​ക്കു​ന്ന​ത്. സ്വ​ദേ​ശി​ക​ളാ​യ യു​വ​തീ​യു​വാ​ക്ക​ൾ​ക്ക് താ​ൽ​ക്കാ​ലി​ക​മാ​ണെ​ങ്കി​ലും തൊ​ഴി​ല​വ​സ​ര​ങ്ങ​ൾ ന​ൽ​കാ​നും പ്രാ​ദേ​ശി​ക ക​ര​കൗ​ശ​ല നി​ർ​മാ​ണ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​ർ​ക്ക് അ​വ​രു​ടെ നി​ർ​മി​തി​ക​ൾ പ്ര​ദ​ർ​ശി​പ്പി​ക്കാ​നും വി​ൽ​പ​ന ന​ട​ത്താ​നും കൂ​ടി മേ​ള​യി​ൽ അ​ധി​കൃ​ത​ർ അ​വ​സ​രം ന​ൽ​കു​ന്നു​ണ്ട്. 40 ല​ധി​കം ക​ര​കൗ​ശ​ല വ​സ്തു​ക്ക​ളു​ടെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ മേ​ള​യി​ൽ പ്ര​ദ​ർ​ശി​പ്പി​ച്ചി​രി​ക്കു​ന്നു. വി​ക്ക​ർ വ​ർ​ക്ക്, സ​ദു നെ​യ്​​ത്ത്, ക്രോ​ഷെ, കൈ​കൊ​ണ്ട് നെ​യ്ത തു​ണി​ത്ത​ര​ങ്ങ​ൾ, വ്യ​തി​രി​ക്ത​മാ​യ ന​ജ്ദി, ഹാ​ഇ​ൽ വാ​തി​ൽ നി​ർ​മാ​ണം തു​ട​ങ്ങി​യ പ​ര​മ്പ​രാ​ഗ​ത ക​ഴി​വു​ക​ൾ സ​ന്ദ​ർ​ശ​ക​ർ​ക്ക് അ​പൂ​ർ​വ അ​റി​വാ​ണ് പ​ക​ർ​ന്നു​ന​ൽ​കു​ന്ന​ത്. പ​ര​മ്പ​രാ​ഗ​ത വ​സ്ത്ര​ങ്ങ​ൾ, ത​മു​ദി​ക് എം​ബ്രോ​യി​ഡ​റി, മ​രം, തു​ക​ൽ ബീ​ഡി​ങ്, ഫൈ​ബ​ർ ക​ല​ക​ൾ, റെ​സി​ൻ ക​ല, സോ​പ്പ് നി​ർ​മാ​ണം എ​ന്നി​വ​യാ​ണ് മേ​ള​യി​ലെ മ​റ്റു പ്ര​ധാ​ന കാ​ഴ്ച​ക​ൾ.

സ​ന്ദ​ർ​ശ​ക​ർ​ക്ക് വൈ​വി​ധ്യ​മാ​ർ​ന്ന പ​ര​മ്പ​രാ​ഗ​ത നാ​ടോ​ടി​ഭ​ക്ഷ​ണ​ങ്ങ​ളും ആ​സ്വ​ദി​ക്കാം. ഉ​ത്സ​വ​ന​ഗ​രി​യു​ടെ ഹൃ​ദ​യ​ഭാ​ഗ​ത്ത് ക​ലാ​പ​ര​മാ​യ ഒ​രു തി​യ​റ്റ​റും ഒ​രു​ക്കി​യി​രി​ക്കു​ന്നു. പൊ​തു​ജ​ന​ങ്ങ​ൾ​ക്ക് നേ​രി​ട്ട് അ​വ​രു​ടെ ക​ര​കൗ​ശ​ല നി​ർ​മി​തി​ക​ൾ പ്ര​ദ​ർ​ശി​പ്പി​ക്കു​ന്ന​തി​നു​ള്ള ഒ​രു വേ​ദി ഒ​രു​ക്കി​ക്കൊ​ണ്ട്‌ ഫെ​സ്​​റ്റി​വ​ൽ പ്രാ​ദേ​ശി​ക ക​ര​കൗ​ശ​ല വി​ദ​ഗ്ധ​രെ പി​ന്തു​ണ​ക്കു​ന്നു. ക​ര​കൗ​ശ​ല വ​സ്തു​ക്ക​ളു​ടെ സാം​സ്കാ​രി​ക​വും ച​രി​ത്ര​പ​ര​വു​മാ​യ പ്രാ​ധാ​ന്യം ഊ​ന്നി​പ്പ​റ​യു​ന്ന​തി​നൊ​പ്പം ആ​ധു​നി​ക ജീ​വി​ത​ത്തി​ൽ ക​ര​കൗ​ശ​ല​വ​സ്തു​ക്ക​ളു​ടെ പ്ര​സ​ക്തി​യെ പി​ന്തു​ണ​ക്കു​ന്ന​തി​നു കൂ​ടി​യാ​ണ് രാ​ജ്യ​ത്തി​​ന്റെ വി​വി​ധ​ഭാ​ഗ​ങ്ങ​ളി​ൽ ഇ​ത്ത​രം മേ​ള​ക​ൾ അ​ധി​കൃ​ത​ർ ഒ​രു​ക്കു​ന്ന​ത്.