ദവാദമി: ജോലിക്കിടെ കെട്ടിടത്തിൽനിന്ന് വീണ് പരിക്കേറ്റ് ചികിത്സയിലായിരുന്ന തെലങ്കാന സ്വദേശി മരിച്ചു. സി.സി. ടി.വി ടെക്നീഷ്യനായ തെലങ്കാന മെഹബൂബ് നഗർ സ്വദേശി അബ്ദുൽ വഹീദ് (30) ആണ് ദവാദ്മി ജനറൽ ആശുപത്രിയിൽ മരിച്ചത്.
കെട്ടിടത്തിൽ സി.സി.ടി.വി കാമറ സ്ഥാപിക്കുന്നതിനിടെയാണ് വീണ് പരിക്കേറ്റത്. ഇൗ മാസം 18നായിരുന്നു അപകടം. ഉടൻ ആശുപത്രിയിൽ പ്രവേശിപ്പിച്ചെങ്കിലും രണ്ടു ദിവസത്തിന് ശേഷം മരിച്ചു.
അഞ്ചു വർഷമായി റിയാദിലും ദവാദ്മിയിലും കാമറ ടെക്നീഷ്യനായി ജോലി ചെയ്തുവരികയായിരുന്നു. അവിവാഹിതനാണ്.
പിതാവ്: അബ്ദുൾ ഖരീം. മാതാവ്: ഹഫീസാബീ. മൃതദേഹം ബുധനാഴ്ച ദവാദ്മിയിൽ ഖബറടക്കും. കെ.എം.സി.സി ദവാദ്മി പ്രവർത്തകരാണ് ഖബറടക്കുന്നതിനുള്ള നിയമനടപടികൾ പൂർത്തീകരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.