മദീന ഇന്ത്യൻ ഫുട്ബാൾ അസോസിയേഷൻ സംഘടിപ്പിച്ച സെവൻസ് ഫുട്ബാൾ ടൂർണമെൻറിൽ വിജയികളായ ഫ്രണ്ട്സ് മദീന ടീം കപ്പുമായി
മദീന: മദീന ഇന്ത്യൻ ഫുട്ബാൾ അസോസിയേഷൻ (മിഫ) സംഘടിപ്പിച്ച സെവൻസ് ഫുട്ബാൾ ടൂർണമെൻറിൽ ഫ്രണ്ട്സ് മദീന ജേതാക്കളായി. മദീന ഉഹ്ദ് ലീഗാ ഫ്ലഡ് ലൈറ്റ് സ്റ്റേഡിയത്തിൽ നടന്ന ടൂർണമെന്റിൽ സിറ്റി ബ്രദേഴ്സ് മദീനയെ പരാജയപ്പെടുത്തിയാണ് ഫ്രണ്ട്സ് മദീന ജേതാക്കളായത്. ടൂർണമെന്റ് മിഫ പ്രസിഡന്റ് ഹിഫ്സുറഹ്മാൻ മാവൂർ ഉദ്ഘാടനം ചെയ്തു.
മദീനയിലെ ഒമ്പത് ടീമുകൾ പങ്കെടുത്ത ടൂർണമെന്റിൽ സൈത് മൂന്നിയൂർ, നിസാർ കരുനാഗപ്പള്ളി, അബ്ദുൽ കരീം കുരിക്കൾ, റഷീദ് വരവൂർ, നജീബ് പത്തനംതിട്ട, അജ്മൽ മൂഴിക്കൽ, അസ്കർ എന്നിവർ കളിക്കാരുമായി പരിചയപ്പെട്ടു.
കിസ്മത്ത് റസ്റ്റാറൻറ് വിന്നേഴ്സ് ട്രോഫിക്കും സംസം റസ്റ്റാറന്റ് റണ്ണേഴ്സ് ട്രോഫിക്കുംവേണ്ടി നടന്ന മത്സരത്തിൽ മാൻ ഓഫ് ദ മാച്ചായി ഫ്രണ്ട്സ് മദീനയുടെ മിദ് ലാജ് തിരഞ്ഞെടുക്കപ്പെട്ടു.
ഏറ്റവും നല്ല ഡിഫന്ററായി എ.എഫ്.സി മദീന ക്ലബിലെ അജ്മൽ, ഏറ്റവും നല്ല ഗോൾകീപ്പറായി സിറ്റി ബ്രദേഴ്സ് ക്ലബിലെ ഷാജി എന്നിവരെയും തെരഞ്ഞെടുത്തു. രണ്ടു ദിവസങ്ങളിലായി നടന്ന മത്സരത്തിന് ജാഫർ കാവാടൻ, ഹംസ മണ്ണാർക്കാട്, അജ്മൽ, ഫൈസൽ, മൂസ രാമപുരം, ഗഫൂർ പട്ടാമ്പി എന്നിവർ നേതൃത്വം നൽകി. വിജയികൾക്കുള്ള സമ്മാനങ്ങൾ സുഹൂർ മഞ്ചേരി, കോയ സംസം എന്നിവർ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.