നാട്ടിലേക്ക് മടങ്ങുന്ന റുക്സാന ഇർഷാദിന് പ്രവാസി വെൽഫെയർ ശിഫ യൂനിറ്റിന്റെ ഉപഹാരം പ്രസിഡന്റ് സിദ്ദീഖ് സമ്മാനിക്കുന്നു
റിയാദ്: പ്രവാസി വെൽഫെയർ ശിഫ യൂനിറ്റ് സജീവ പ്രവർത്തക റുക്സാന ഇർഷാദിന് യൂനിറ്റ് യാത്രയയപ്പ് നൽകി. ആറുവർഷമായി റിയാദിലുള്ള റുക്സാന പൊതുപ്രവർത്തകയായിരുന്നു. താൽക്കാലികമായി പ്രവാസത്തോട് വിടപറയുകയാണ്. മലപ്പുറം ജില്ലയിലെ ചങ്ങരംകുളം സ്വദേശിനിയായ അവർ യൂനിറ്റ് ജനറൽ സെക്രട്ടറി, മേഖല വൈസ് പ്രസിഡന്റ്, സെൻട്രൽ കമ്മിറ്റി മെംബർ എന്നീ സ്ഥാനങ്ങളിൽ പ്രവർത്തിച്ചിട്ടുണ്ട്.
ശിഫയിലെ റഫീഖിന്റെ വസതിയിൽ നടന്ന യാത്രയയപ്പ് ചടങ്ങിൽ യൂനിറ്റ് പ്രസിഡന്റ് സിദ്ദീഖ് ഇരിക്കൂർ അധ്യക്ഷത വഹിച്ചു. യൂനിറ്റ് ജനറൽ സെക്രട്ടറി സലീം കാപ്പിൽ മുസ്തഫ സ്വാഗതം പറഞ്ഞു. സെൻട്രൽ കമ്മിറ്റി വൈസ് പ്രസിഡന്റും ജീവകാരുണ്യ വിഭാഗം കൺവീനറുമായ സൈനുൽ ആബിദ് തോരപ്പ ആമുഖ പ്രഭാഷണം നടത്തി.
റഫീഖ് കാരാടൻ, പി.പി. ഇർഷാദ്, നൗഷാദ് പാപ്പിനിശ്ശേരി, അബ്ദുൽ ഷുക്കൂർ മൂഴിക്കൽ, അഷ്കറുദ്ദീൻ എന്നിവർ സംസാരിച്ചു. റുക്സാന ഇർഷാദ് മറുപടി പ്രസംഗം നടത്തി. യൂനിറ്റിന്റെ ഉപഹാരം പ്രസിഡന്റ് സിദ്ദീഖ് റുക്സാനക്ക് സമ്മാനിച്ചു. റജുല നൗഷാദ്, താഹിറ റഫീഖ്, ഉമ്മുൽ ഖൈർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.