പ്രീമിയർ ലീഗ് ചാമ്പ്യന്മാരായ എടപ്പാൾ സ്ട്രൈക്കേഴ്സ് മലപ്പുറം
റിയാദ്: മലപ്പുറം അസോസിയേഷൻ ഓഫ് റിയാദ് ക്രിക്കറ്റ് (മാർക്) സംഘടിപ്പിച്ച മലപ്പുറം പ്രീമിയർ ലീഗ് ക്രിക്കറ്റ് ടൂർണമെന്റ് വിജയകരമായി സമാപിച്ചു. റിയാദിലെ ടെക്നോ മെയ്ക്, ടെക്സാ ഗ്രൗണ്ടുകളിൽ രാവിലെ മുതൽ രാത്രി വൈകുവോളം നീണ്ടുനിന്ന മത്സരങ്ങളിൽ ശക്തരായ അഞ്ചു ടീമുകളെ മറികടന്നുകൊണ്ട് എടപ്പാൾ സ്ട്രൈക്കേഴ്സാണ് ജേതാക്കളായത്.
വാശിയേറിയ ഫൈനൽ മത്സരത്തിൽ തിരൂരങ്ങാടി സ്റ്റാലിയൻസായിരുന്നു എടപ്പാൾ സ്ട്രൈക്കേഴ്സിന്റെ എതിരാളികൾ. ആദ്യ സെമി ഫൈനലിൽ ഡ്രീം ആർട്ട് റിയാദിനെ തോൽപിച്ചായിരുന്നു തിരൂരങ്ങാടി സ്റ്റാലിയൻസ് ഫൈനലിൽ പ്രവേശിച്ചത്. രണ്ടാം സെമിഫൈനലിൽ റെഡ് ഫാൽക്കൻസിനെ പരാജയപ്പെടുത്തിയാണ് എടപ്പാൾ സ്ട്രൈക്കേഴ്സ് അവസാന അങ്കത്തിന് യോഗ്യത നേടിയത്.
പ്രീമിയർ ലീഗ് റണ്ണേഴ്സ് അപ്പായ തിരൂരങ്ങാടി സ്റ്റാലിയൻസ്
ഫൈനൽ മത്സരത്തിൽ മികച്ച പ്രകടനം കാഴ്ച്ചവെച്ചതിനാൽ ‘മാൻ ഓഫ് ദ ഫൈനൽ’ ആയി സാദിഖ് തിരൂരങ്ങാടി, ടൂർണമെന്റിലെ മികച്ച കളിക്കാരനായി നൗഷാദ്, മികച്ച ബൗളറായി ഫാസിൽ താനൂർ (എടപ്പാൾ സ്ട്രൈക്കേഴ്സ്) മികച്ച ബാറ്റർ ആയി ബിപിൻ സുരേഷ് (റെഡ് ഫാൽക്കൻസ്) എന്നിവരെ തെരഞ്ഞെടുത്തു.
വിന്നേഴ്സിനുള്ള ട്രോഫിയും കാഷ് പ്രൈസും ഗാലക്സി ടെക്നോളജി പ്രതിനിധിയും റണ്ണേഴ്സിനുള്ള ട്രോഫിയും കാഷ് പ്രൈസും ഹൈനിക് കമ്പനി പ്രതിനിധിയും സമ്മാനിച്ചു. മറ്റു അവാർഡുകൾ മാർക് ഭാരവാഹികളും സമ്മാനിച്ചു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.