ജുബൈൽ: സൗദി അറേബ്യയുടെ കിഴക്കൻ പ്രവിശ്യക്ക് സമീപം അറേബ്യൻ ഗൾഫിൽ വെള്ളിയാഴ്ച പുലർച്ചെ 4 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. സൗദി ജിയോളജിക്കൽ സർവേ ഭൂകമ്പ കേന്ദ്രങ്ങളിൽ ഭൂചലനം കണ്ടെത്തി.
ജുബൈൽ നഗരത്തിന് 55 കിലോമീറ്റർ കിഴക്കായാണ് ഭൂകമ്പം ഉണ്ടായതായി കണ്ടെത്തിയത്. അറേബ്യൻ ടെക്റ്റോണിക് പ്ലേറ്റിന്റെ ചലനവും യുറേഷ്യൻ പ്ലേറ്റുമായി കൂട്ടിയിടിച്ചതും മൂലമുണ്ടായ സമ്മർദ്ദമാണ് കാരണം.
അതേ സമയം മേഖലയിൽ തത്സമയം ചെറിയ വിറയൽ അനുഭവപ്പെട്ടതായി പ്രദേശവാസികളിൽ ചിലർ പറഞ്ഞു. സോഷ്യൽ മീഡിയയിൽ പലരും ഈ അനുഭവം പങ്കുവെച്ചിരുന്നു. അതി രാവിലെ താമസ സ്ഥലത്ത് ചെറിയ ചലനം അനുഭവപ്പെട്ടെന്ന് ഇന്ത്യൻ സ്കൂൾ മലയാള അധ്യാപകൻ സനിൽ കുമാർ, ഒ.ഐ.സി.സി നേതാവ് അഷ്റഫ് മുവാറ്റുപുഴ എന്നിവരും ഗൾഫ് മാധ്യമത്തോട് പറഞ്ഞു. നാശനഷ്ടങ്ങള് ഒന്നുമില്ല. രാജ്യത്തെ സ്ഥിതി സുരക്ഷിതമാണെന്ന് ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.