ജിദ്ദ: വനിത ഡ്രൈവിങ് തുടങ്ങിയ ശേഷം സൗദി അറേബ്യയിലെ കാർ ഷോറൂമുകളിൽ വലിയ തിരക്ക്. വനിതകൾക്കായി മിക്ക ഷോറൂമുകളും പ്രത്യേക ഹെൽപ് ഡെസ്കുകൾ സ്ഥാപിച്ചിട്ടുണ്ട്. സൗദി സമൂഹത്തിൽ വന്ന ഇൗ മാറ്റത്തിെൻറ അനുരണനങ്ങൾ അറിയാൻ പല ഏജൻസികളും അഡ്വൈസറി ബോർഡുകൾ സ്ഥാപിക്കുകയും പ്രത്യേക സർവേകൾ നടത്തുകയും ചെയ്യുന്നു. ഇൻഷുറൻസ്, മെയിൻറനൻസ്, കാർ അക്സസറീസ് തുടങ്ങിയ രംഗങ്ങളിലും ചലനം ഉണ്ടായിട്ടുണ്ട്.
ചില ഏജൻസികൾ വനിത ഷോറൂമുകളും തുറന്നു. വനിതകളെ സ്വീകരികാൻ പ്രത്യേക പരിശീലനം നേടിയ സൗദി വനിതകളെയും ഷോറൂമുകളിൽ നിയമിച്ചു. വനിതകൾക്ക് കാർ ഒാടിച്ചുനോക്കാനുള്ള സൗകര്യവും നൽകുന്നുണ്ട്. മിക്ക വനിതകളും കാർ തെരഞ്ഞെടുക്കുേമ്പാൾ സുരക്ഷക്കാണ് മുൻഗണന നൽകുന്നത്. അപകടങ്ങളിൽ നിന്ന് പരമാവധി സംരക്ഷണം നൽകുന്ന ഏറ്റവും ഉയർന്ന സുരക്ഷ മാനദണ്ഡങ്ങൾ ഉള്ള കാറുകൾക്കാണ് ഡിമാൻഡ്. സീറ്റ് ബെൽറ്റ്, എയർബാഗ് തുടങ്ങിയ കാര്യങ്ങൾ അവർ പ്രത്യേകം ചോദിച്ച് അറിയുന്നു. മിക്ക കമ്പനികളും വനിതകൾക്കായി പ്രത്യേക വിൽപനാനന്തര സേവന പാക്കേജുകളും അവതരിപ്പിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.