വിവിധ ആവശ്യങ്ങൾ ഉന്നയിച്ച് ജിദ്ദയിലെ ടി.എസ്.എസ്
ഭാരവാഹികൾ ശശി തരൂരിന് നിവേദനം കൈമാറുന്നു
ജിദ്ദ: ഹ്രസ്വസന്ദർശനത്തിനായി ജിദ്ദയിലെത്തിയ ഡോ. ശശി തരൂർ എം.പിക്ക് തിരുവനന്തപുരം സ്വദേശി സംഗമം (ടി.എസ്.എസ്) പ്രസിഡൻറ് തരുൺ രത്നാകരെൻറ നേതൃത്വത്തിൽ നിവേദനം സമർപ്പിച്ചു. ജിദ്ദയിൽനിന്ന് തിരുവനന്തപുരത്തേക്കുള്ള വിമാനയാത്ര പ്രശ്നത്തിന് പരിഹരമായി നേരിട്ട് വിമാന സർവിസ് ആരംഭിക്കുക, നീറ്റ്, സി.എ.ടി പോലുള്ള പ്രഫഷനൽ കോഴ്സുകളുടെ പ്രവേശനപരീക്ഷാ കേന്ദ്രം സൗദിയിൽ അനുവദിക്കുക, സൗദിയുടെ പുതിയ വിസ ചട്ടങ്ങൾ പ്രകാരമുള്ള ബയോമെട്രിക് രജിസ്ട്രേഷൻ തിരുവനന്തപുരം വി.എഫ്.എസ് കേന്ദ്രത്തിൽ ആരംഭിക്കുക തുടങ്ങിയ ആവശ്യങ്ങൾ ഉന്നയിച്ചാണ് നിവേദനം സമർപ്പിച്ചത്.
ശശി തരൂർ എം.പിയെ മൗഷ്മി ശരീഫ് ബൊക്കെ നൽകി സ്വീകരിച്ചു. ടി.എസ്.എസ് ജനറൽ സെക്രട്ടറി ജാഫർ ശരീഫ് ഉപഹാരം നൽകി ആദരിച്ചു. ട്രഷറർ ഷാഹിൻ ഷാജഹാൻ, എക്സിക്യൂട്ടിവ് അംഗങ്ങങ്ങളായ ഷജീർ കണിയാപുരം, ഷംനാദ് കണിയാപുരം, അജി ഡി. പിള്ള, മുഹമ്മദ് ബിജു, കൃഷ്ണ മൂർത്തി, മൗശ്മി ഷരീഫ്, ഫിർദൗസ് ഷെയ്ഖ് എന്നിവർ സംഘത്തോടൊപ്പം ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.