ജിദ്ദ: ജിദ്ദയിലും സമീപ പ്രദേശത്തും മഴക്ക് സാധ്യത ഉണ്ടെന്ന കാലാവസ്ഥ നിരീക്ഷണ കേന്ദ്രത്തിൽ നിന്നുള്ള മുന്നറിയിപ്പിന്റെ അടിസ്ഥാനത്തിൽ സൗദി വിദ്യാഭ്യാസ മന്ത്രാലയത്തിൽ നിന്നുള്ള നിർദേശമനുസരിച്ച് ഇന്ന് (ബുധൻ) ജിദ്ദ ഇന്റർനാഷണൽ ഇന്ത്യൻ സ്‌കൂൾ പ്രവർത്തിക്കുന്നതല്ലെന്ന് പ്രിൻസിപ്പൽ അറിയിച്ചു.
വിദ്യാർത്ഥികളുടെ സുരക്ഷ കണക്കിലെടുത്താണ് തീരുമാനം.എന്നാൽ കെ.ജി മുതൽ രണ്ടു വരെ ക്ലാസുകൾക്കുള്ള ഓൺലൈൻ പഠനം സാധാരണ പോലെ അതാത് സമയത്ത് നടക്കും.
മഴ കാരണം മറ്റു തടസങ്ങളോ ഗതാഗത പ്രശ്നങ്ങളോ ഒന്നുമില്ലെങ്കിൽ സ്‌കൂളിലെ ഫീ കൗണ്ടർ സാധാരണ പോലെ നിശ്ചയിക്കപ്പെട്ട സമയത്ത് പ്രവർത്തിക്കുമെന്നും പ്രിൻസിപ്പൽ ഡോ. മുസഫർ ഹസൻ പുറത്തിറക്കിയ സർക്കുലറിൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.