റിയാദ്: ഇൗ വർഷത്തെ അഖിലേന്ത്യ സീനിയർ സ്കൂൾ സർട്ടിഫിക്കറ്റ് പരീക്ഷയിൽ (സി.ബി.എസ്.ഇ) റിയാദിലെ ഇൻറർനാഷനൽ ഇന്ത്യൻ സ്കൂളിൽ 100 ശതമാനം വിജയം. പരീക്ഷയെഴുതിയ 422 വിദ്യാർഥികളും പാസായി. 83 ശതമാനം കുട്ടികൾ 90 ശതമാനത്തിന് മുകളിൽ മാർക്ക് നേടി. 327 കുട്ടികൾ ഡിസ്റ്റിങ്ഷനോട് കൂടിയ ഫസ്റ്റ് ക്ലാസ് നേടി.
94 കുട്ടികൾക്ക് ഫസ്റ്റ് ക്ലാസും ഒരു കുട്ടിക്ക് സെക്കൻഡ് ക്ലാസും ലഭിച്ചു. സയൻസ് സ്ട്രീമിൽ 97.8 ശതമാനം മാർക്ക് നേടിയ കമാലിനി കനി കണ്ണൻ സ്കൂളിലെ ഒന്നാം റാങ്കിന് അർഹയായി. ഇതേ സ്ട്രീമിൽ 97.2 ശതമാനം മാർക്കോടെ അദീന രണ്ടാം റാങ്കും 96.8 ശതമാനം മാർക്കോടെ ആദ്യ റൗട്ടും മുഹമ്മദ് അബ്ദുൽ അസീസും മൂന്നാം റാങ്കും കരസ്ഥമാക്കി.
കോമേഴ്സ വിഭാഗത്തിൽ സഫ്രീന മറിയ കുര്യക്കോസ് (95.8 ശതമാനം), സരിയ ഫാത്തിമ (95.2 ശതമാനം), ലെന റഫീഖ് (94.4 ശതമാനം) എന്നിവർ യഥാക്രമം ആദ്യ മൂന്ന് റാങ്കുകൾക്ക് അർഹരായി.
ഹ്യൂമാനിറ്റീസ് സ്ട്രീമിൽ 96 ശതമാനം മാർക്കോട് ഹന ഷിറിനാണ് ഒന്നാം റാങ്ക്. സൈമ ഇനായത്ത് അലി (95.4 ശതമാനം), ഹഫ്സ നാസ് (94.6 ശതമാനം) എന്നിവർ രണ്ട്, മൂന്ന് റാങ്കുകൾ കരസ്ഥമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.