ദമ്മാം: ജുബൈലിലെ ദുരിതം അനുഭവിക്കുന്ന തൊഴിലാളി ക്യാമ്പിൽ ഇന്ത്യൻ ഒാവർസീസ് ഫോറം (െഎ.ഒ.എഫ്) പ്രവർത്തകർ സഹായം എത്തിച്ചു. ജോലിയും ശമ്പളവുമില്ലാതെ പ്രശ്നത്തിലായ ഇ ന്ത്യൻ തൊഴിലാളികളെ സന്ദർശിക്കാനെത്തിയ പ്രവർത്തകർ ഇതര രാജ്യക്കാരായ തൊഴിലാളികളെയും കാണുകയും സാന്ത്വനം പകരുകയും ചെയ്തു. ക്യാമ്പിൽ കഴിയുന്ന മുഴുവൻ തൊഴിലാളികൾക്കും അത്യാവശ്യം വേണ്ട ആഹാരസാധനങ്ങൾ, പച്ചക്കറികൾ, നിത്യോപയോഗ സാധനങ്ങൾ എന്നിവ വിതരണം ചെയ്തു.
പ്രശ്നപരിഹാരത്തിന് ഇന്ത്യ ഗവൺമെൻറ് ഇടപെടണമെന്ന് തൊഴിലാളികൾ ആവശ്യപ്പെടുന്നതായും ഫോറം ഭാരവാഹികൾ വാർത്തകുറിപ്പിൽ പറഞ്ഞു. മാസങ്ങളായി ശമ്പളം കിട്ടാത്തതിനാൽ ഓരോ ദിവസവും വളരെയധികം ബുദ്ധിമുട്ട് സഹിച്ചാണ് തള്ളിവിടുന്നത്. ഇഖാമ കഴിഞ്ഞും മറ്റും പലവിധ നിയമക്കുരുക്കുകളും നേരിടുകയാണ്. വർഷങ്ങളായി നാട്ടിൽ പോകാത്തവരും തൊഴിലാളികളുടെ കൂട്ടത്തിലുണ്ട്. ഫോറം ഭാരവാഹികളായ സുമേഷ് ചെറുവത്തൂർ, അരവിന്ദ് ശാസ്ത്രി, സജീവ്, പ്രസാദ് കെ.എസ്.എം ഓച്ചിറ എന്നിവർ പ്രവർത്തനങ്ങൾക്ക് നേതൃത്വം കൊടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.