‘അ​ൽ ഖ​മാ​രി​യു​ടെ രാ​ത്രി’ നാടോടി കലകൾ സമ്മേളിച്ച മോഹന രാവ്

ദ​മ്മാം: പു​തി​യ കാ​ല​ത്തേ​ക്ക്​ അ​തി​വേ​ഗം ചു​വ​ടു​വെ​ക്കു​മ്പോ​ഴും പാ​ര​മ്പ​ര്യ സം​സ്കാ​ര​ങ്ങ​ളെയും ക​ല​ക​ളെ​യും ഒ​രി​ക്ക​ലും അ​ണ​യാ​ത്ത ദീ​പ​മാ​യി വ​രും ത​ല​മു​റ​ക്കു​വേ​ണ്ടി കാ​ത്തു​വെ​ക്കു​ക​യാ​ണ് ഒ​രു കൂ​ട്ടം സൗ​ദി ക​ലാ​കാ​ര​ന്മാ​ർ. ക​ട​ലി​ൽ​നി​ന്ന് മു​ത്തു​പെ​റു​ക്കി​യും ആ​ടു​ക​ളെ വ​ള​ർ​ത്തി​യും മീ​ൻ പി​ടി​ച്ചും ജീ​വി​ച്ച കാ​ല​ത്തെ ഇ​ല്ലാ​യ്മ​ക​ളെ മ​റ​ക്കാ​ൻ ഉ​റ​ക്കെ പാ​ടു​ക​യും ആ​ടു​ക​യും ചെ​യ്ത, ത​ല​മു​റ​ക​ൾ കൈ​മാ​റി​വ​ന്ന ത​ന​ത്​ സാം​സ്​​കാ​രി​ക ക​ലാ​രൂ​പ​ങ്ങ​ളെ അ​വ​ർ ഈ ​പു​തി​യ കാ​ല​ത്തേ​ക്ക്​ തി​രി​ച്ചു​വി​ളി​ക്കു​ക​യാ​ണ്.

‘അ​ൽ ഖ​മാ​രി​യു​ടെ രാ​ത്രി’ എ​ന്ന പേ​രി​ൽ ക​ൾ​ച​റ​ൽ ആ​ൻ​ഡ്​ ആ​ർ​ട്സ് അ​സോ​സി​യേ​ഷ​ൻ ക​ഴി​ഞ്ഞ ദി​വ​സം ദ​മ്മാ​മി​ൽ ഒ​രു​ക്കി​യ നാ​ടോ​ടി ക​ലാ​മേ​ള​ ഇ​ത്ത​ര​ത്തി​ലൊ​രു ശ്ര​മ​മാ​യി​രു​ന്നു. സൗ​ദി കി​ഴ​ക്ക​ൻ പ്ര​വി​ശ്യ​യി​ലെ പു​രാ​ത​ന നാ​ടോ​ടി ക​ലാ​രൂ​പ​ങ്ങ​ൾ പ​ശ്ചാ​ത്ത​ല​മാ​കു​ന്ന നി​ര​വ​ധി നോ​വ​ലു​ക​ളും ക​ഥ​ക​ളും ര​ചി​ക്കു​ക​യും ന​ബി വ​ച​ന​ങ്ങ​ളെ രേ​ഖ​പ്പെ​ടു​ത്തു​ക​യും ​ചെ​യ്ത എ​ഴു​ത്തു​കാ​ര​നും ഗ​വേ​ഷ​ക​നു​മാ​യ ആ​ദി​ൽ ബി​ൻ ഇ​സ്സ അ​ൽ അ​മി​രി​യാ​ണ് വേ​റി​ട്ട​തും മ​നോ​ഹ​ര​വു​മാ​യ ഈ ​രാ​ത്രി​യെ ഒ​രു​ക്കാ​ൻ നേ​തൃ​ത്വം ന​ൽ​കി​യ​ത്. പ​ഴ​യ​കാ​ല ക​ലാ​രൂ​പ​ങ്ങ​ൾ​ക്ക് പി​ന്നി​ലു​ള്ള സാം​സ്​​കാ​രി​ക ച​രി​ത്രം പ​റ​യു​ന്ന​തി​നൊ​പ്പം ഇ​വ​യി​ൽ വൈ​ദ​ഗ്​​ധ്യ​മു​ള്ള പ​ഴ​യ ക​ലാ​കാ​ര​ന്മാ​രെ കൊ​ണ്ട്​ വേ​ദി​യി​ൽ പ​രി​പാ​ടി​ക​ൾ അ​വ​ത​രി​പ്പി​ക്ക​ലു​മാ​യി​രു​ന്നു പ്ര​ധാ​ന പ​രി​പാ​ടി.

ഖ​ത്വീ​ഫ് കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന ദ ​ആ​ർ​ട്ട് ഓ​ഫ് അ​ൽ ഖ​മാ​രി​യാ​ണ് വി​വി​ധ ക​ലാ​രൂ​പ​ങ്ങ​ൾ അ​വ​ത​രി​പ്പി​ച്ച​ത്. നാ​ടോ​ടി ക​ല​യു​ടെ പ്രാ​ണേ​താ​ക്ക​ൾ, പ്ര​യോ​ക്താ​ക്ക​ൾ എ​ന്നി​വ​ർ ഒ​രു​മി​ച്ചു​കൂ​ടി​യ ഒ​രു രാ​ത്രി​യാ​യി​രു​ന്നു അ​ത്. പ​ഴ​യ​കാ​ല​ത്ത് ഇൗ ​ക​ല​ക​ളി​ലൂ​ടെ ജ​ന​പ്രി​യ​ത നേ​ടി​യ​വ​ർ, കു​ടും​ബ​ങ്ങ​ൾ, അ​ന്ന​ത്തെ മാ​ധ്യ​മ​ങ്ങ​ൾ, അ​ന്ന​ത്തെ സ​മൂ​ഹ​ത്തി​ൽ ശ​ക്ത​മാ​യ സ്വാ​ധീ​നം ചെ​ലു​ത്തി​യ​വ​ർ, ആ​ഖ്യാ​താ​ക്ക​ൾ എ​ന്നി​വ​രെ പ​രി​ച​യ​പ്പെ​ടു​ത്തി​ക്കൊ​ണ്ടാ​യി​രു​ന്നു അ​ൽ അ​മി​രി​യു​ടെ പ്ര​ഭാ​ഷ​ണം.

തൊ​ട്ട​ടു​ത്ത അ​യ​ൽ രാ​ജ്യ​ങ്ങ​ളി​ൽ പോ​ലും കീ​ർ​ത്തി​കേ​ട്ട​വ​രാ​യി​രു​ന്നു കി​ഴ​ക്ക​ൻ പ്ര​വി​ശ​യി​ലെ ഈ ​ക​ലാ​കാ​ര​ന്മാ​ർ. അ​ന്ന് വൈ​കു​ന്നേ​ര​ങ്ങ​ളി​ലും പ്ര​ത്യേ​കി​ച്ച് വി​ശേ​ഷാ​വ​സ​ര​ങ്ങ​ളി​ലും പ്ര​വി​ശ്യ​യി​ലെ സ്ത്രീ​ക​ൾ വ​ല​ത്തോ​ട്ടും ഇ​ട​ത്തോ​ട്ടും മു​ന്നോ​ട്ടും പി​ന്നോ​ട്ടും താ​ള​ത്തി​ൽ ചാ​യു​ന്ന ഒ​രു ത​രം നൃ​ത്ത​ത്തെ​ക്കു​റി​ച്ച് അ​ദ്ദേ​ഹം പ​രി​ച​യ​പ്പെ​ടു​ത്തി. ഇ​ത്ത​രം നൃ​ത്ത​ങ്ങ​ൾ പ​ല​രൂ​പ​ങ്ങ​ളി​ലാ​യി പ​ല​യി​ട​ത്തും നി​ല​നി​ൽ​ക്കു​ന്നു​ണ്ടെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

ഒ​രു ജ​ന​ത​ക്ക് അ​വ​രു​ടെ മാ​താ​പി​താ​ക്ക​ളി​ൽ​നി​ന്നും മു​ത്ത​ശ്ശി​മാ​രി​ൽ​നി​ന്നും പാ​ര​മ്പ​ര്യ​മാ​യി ല​ഭി​ച്ച ക​ല​ക​ളും ആ​ചാ​ര​ങ്ങ​ളും ആ​ണി​വ. കി​ഴ​ക്ക​ൻ മേ​ഖ​ല​യി​ലെ ജ​ന​ങ്ങ​ൾ​ക്ക് ക​ട​ലി​ൽ മു​ങ്ങി മു​ത്തു​ക​ൾ തി​ര​യ​ലാ​യി​രു​ന്നു പ്ര​ധാ​ന വ​രു​മാ​ന​മാ​ർ​ഗം. ക​ഠി​ന​മാ​യി ജോ​ലി ചെ​യ്യു​മ്പോ​ഴും അ​വ​ർ പാ​ട്ടു​ക​ൾ പാ​ടി​യി​രു​ന്നു. ജോ​ലി​ക​ഴി​ഞ്ഞ് വി​ശ​ന്ന് ത​ള​ർ​ന്ന് വ​ര​ു​േ​മ്പാ​ഴും ഒ​ന്നി​ച്ചി​രി​ക്കു​മ്പോ​ഴും ക്ഷീ​ണം മ​റ​ക്കാ​ൻ അ​വ​ർ പാ​ട്ടു​ക​ൾ പാ​ടി. ഇ​ത്ത​രം ക​ല​ക​ൾ സം​യോ​ജി​പ്പി​ച്ച് ക​ട​ലി​​ന്റെ ക​ല​ക​ളാ​ക്കി രൂ​പ​പ്പെ​ടു​ത്തി. കൃ​ഷി​യി​ട​ങ്ങ​ളി​ലെ നൃ​ത്ത​ങ്ങ​ളും പാ​ട്ടു​ക​ളും ഇ​തു​പോ​ലെ വ്യാ​പ​ക​മാ​യി​രു​ന്നു.

അ​ത് കാ​ർ​ഷി​ക പാ​ട്ടു​ക​ളാ​യി കാ​ത്തു​വെ​ച്ചു. അ​ൽ അ​ഷൂ​രി, അ​ൽ ഹ​സാ​വി, അ​ൽ ല​ബൂ​ണി, അ​ൽ ഖ​മാ​രി, അ​ൽ സ​മ​രി​ത്താ​ൻ, അ​ൽ ഫ​ജ്‌​രി, ഡാ​ഖ് അ​ൽ ഹോ​ബ് തു​ട​ങ്ങി​യ പു​തി​യ കാ​ലം മ​റ​ന്നു തു​ട​ങ്ങി​യ വി​വി​ധ നാ​ടോ​ടി ക​ല​ക​ളാ​ണ് ‘അ​ൽ ഖ​മാ​രി​യു​ടെ രാ​ത്രി’​യി​ൽ അ​ര​ങ്ങേ​റി​യ​ത്. ഖ​ത്വീ​ഫ് കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന സാ​ദ് ഫോ​ക്​​ലോ​ർ ട്രൂ​പ് ഈ ​ക​ല​ക​ളു​ടെ ഇ​ക്കാ​ല​ത്തെ കൈ​കാ​ര്യ ക​ർ​ത്താ​ക്ക​ളാ​ണ്.