ന​ടി സാ​ധി​ക വേ​ണു​ഗോ​പാ​ൽ ഇ​ന്ന്​ ദ​മ്മാ​മി​ൽ

ദ​മ്മാം: ആ​ഗോ​ള മ​ല​യാ​ളി സം​ഘ​ട​ന​യാ​യ ഡ​ബ്ല്യൂ.​എം.​സി​യു​ടെ അ​ൽ​കോ​ബാ​ർ ഘ​ട​കം വ​നി​ത വേ​ദി വ​നി​ത​ക​ൾ​ക്കാ​യി സം​ഘ​ടി​പ്പി​ക്കു​ന്ന പ്ര​ത്യേ​ക പ​രി​പാ​ടി​യി​ൽ മ​ല​യാ​ള​ത്തി​ലെ പ്ര​മു​ഖ ന​ടി​യും മോ​ഡ​ലു​മാ​യ സാ​ധി​ക വേ​ണു​ഗോ​പാ​ൽ അ​തി​ഥി​യാ​യെ​ത്തും.

സൈ​ഹാ​ത്തി​ലെ ഡ​ൽ​മ​ൺ റി​സോ​ർ​ട്ടി​ൽ വെ​ള്ളി​യാ​ഴ്ച രാ​വി​ലെ 10 മു​ത​ൽ‌ രാ​ത്രി‌ 10 വ​രെ​യാ​ണ്​ പ​രി​പാ​ടി. റെ​ഡ്​ കാ​ർ​പ​റ്റ്​ എ​ന്ന പേ​രി​ലു​ള്ള പ​രി​പാ​ടി​യി​ൽ വൈ​കീ​ട്ട്​ അ​ഞ്ചു വ​രെ വ​നി​ത​ക​ൾ​ക്ക്​ മാ​ത്ര​മാ​യി​രി​ക്കും പ്ര​വേ​ശ​നം. കേ​ക്ക്‌ മേ​ക്കി​ങ്, ഈ​റ്റി​ങ്​ ച​ല​ഞ്ച്, മെ​ഹ​ന്തി മ​ത്സ​രം എ​ന്നീ ഇ​ന​ങ്ങ​ൾ വ​നി​ത​ക​ൾ​ക്ക്‌ മാ​ത്ര​മാ​യും കു​ട്ടി​ക​ളു​ടെ പ്ര​ച്ഛ​ന്ന​വേ​ഷ മ​ത്സ​ര​വും വ​നി​ത​ക​ൾ​ക്കും കു​ട്ടി​ക​ൾ​ക്കു​മാ​യി കാ​യി​ക മ​ത്സ​ര​ങ്ങ​ളും സം​ഘ​ടി​പ്പി​ക്കു​ന്നു​ണ്ട്‌.

പ്ര​വി​ശ്യ​യി​ലെ വ​നി​ത​ക​ളു​ടെ ക​ര​വി​രു​തു​ക​ൾ പ്ര​ദ​ർ​ശി​പ്പി​ക്കു​ന്ന​തി​ന്‌ വേ​ണ്ടി പ്ര​ത്യേ​ക ആ​ർ​ട്ട്​ ആ​ൻ​ഡ്​​ ക്രാ​ഫ്​​റ്റ്​ എ​ക്​​സി​ബി​ഷ​നും ഒ​രു​ക്കി​യി​ട്ടു​ണ്ട്. വൈ​കീ​ട്ട്‌ അ​ഞ്ച്​ മു​ത​ൽ പൊ​തു​ജ​ന​ങ്ങ​ൾ​ക്ക്‌ പ്ര​വേ​ശ​നം അ​നു​വ​ദി​ക്കു​ന്ന സ​മാ​പ​ന ച​ട​ങ്ങി​ൽ വ​ർ​ണാ​ഭ​മാ​യ‌ നി​ര​വ​ധി ക​ലാ​വി​രു​ന്നു​ക​ളും സം​സ്കാ​രി​ക സ​ദ​സ്സും സം​ഘ​ടി​പ്പി​ക്കു​മെ​ന്നും സം​ഘാ​ട​ക​ർ കൂ​ട്ടി​ച്ചേ​ർ​ത്തു.

ഇ​തോ​ട​നു​ബ​ന്ധി​ച്ച്​ ന​ട​ക്കു​ന്ന ക്യൂ​ൻ ഓ​ഫ്​ അ​റേ​ബ്യ പ​ട്ട​ത്തി​നു​വേ​ണ്ടി​യു​ള്ള സൗ​ന്ദ​ര്യ​മ​ത്സ​ര​മാ​ണ്​ ഏ​റെ ശ്ര​ദ്ധേ​യം. സൗ​ന്ദ​ര്യ പ്ര​ദ​ർ​ശ​ന​ത്തി​ന​പ്പു​റ​ത്ത്​ സ്​​ത്രീ​ക​ളു​ടെ ബു​ദ്ധി​യും കാ​ര്യ​പ്രാ​പ്​​തി​യും യു​ക്തി​യും അ​ള​ക്കു​ന്ന​തി​നു​ള്ള​തു​കൂ​ടി​യാ​ണ്​ ഈ ​മ​ത്സ​ര​മെ​ന്നും അ​വ​ർ പ​റ​ഞ്ഞു. വേ​ൾ​ഡ്​ മ​ല​യാ​ളി കൗ​ൺ​സി​ൽ അ​ൽ​ഖോ​ബാ​ർ പ്രൊ​വി​ൻ​സ്‌ ഭാ​ര​വാ​ഹി​ക​ളാ​യ അ​ർ​ച്ച​ന അ​ഭി​ഷേ​ക് (പ്ര​സി.), ഹു​സ്ന ആ​സി​ഫ് (സെ​ക്ര.), ഷം​ല ന​ജീ​ബ് (ട്ര​ഷ.), പ്ര​ജി​ത അ​നി​ൽ​കു​മാ​ർ (വൈ. ​പ്ര​സി.), സോ​ഫി​യ താ​ജു (വൈ. ​പ്ര​സി.), അ​നു ദി​ലീ​പ് (പ്രോ​ഗ്രാം ക​മ്മി​റ്റി), ര​തി നാ​ഗ (പ്രോ​ഗ്രാം ക​മ്മി​റ്റി) എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​​ങ്കെ​ടു​ത്തു.