ജിദ്ദ: വർഗീയതയെയും പശു ഭീകരതയെയും രാജ്യം അതിജീവിക്കുമെന്നും, ന്യൂനപക്ഷങ്ങളെയും രാഷ്ട്രീയ പ്രതിയോഗികളെയും ഭയപ്പെടുത്തി സമഗ്രാധിപത്യം സ്ഥാപിക്കാനുള്ള ഫാഷിസ്റ്റുകളുടെ ശ്രമത്തെ മതേതര ഇന്ത്യ ചെറുത്തു തോൽപ്പിക്കുമെന്നും തനിമ സാംസ്കാരിക വേദി അനാകിശ് ഏരിയ സംഘടിപ്പിച്ച ‘ഫാഷിസത്തിനെതിരെ സാഹോദര്യ സംഗമം’ അഭിപ്രായപ്പെട്ടു.
വൈവിധ്യങ്ങളിൽ അധിഷ്ഠിതമായ ജനാധിപത്യ ഇന്ത്യയുടെ പൈതൃകവും പാരമ്പര്യവും തിരിച്ചു പിടിക്കാനായി മനുഷ്യ സ്നേഹികളുടെ ഒറ്റക്കെട്ടായ പ്രതിരോധം അനിവാര്യമാണെന്ന് വിഷയമവതരിപ്പിച്ച ഉസ്മാൻ പാണ്ടിക്കാട് ചൂണ്ടിക്കാട്ടി. വേങ്ങര നാസർ, ആബിദ് ഹുസ്സൈൻ, ജെനീഷ് ബാബു, അബ്ദുറഹ്മാൻ ഒറ്റപ്പാലം എന്നിവർ സംസാരിച്ചു. വി. അബ്ദുറഹ്മാൻ അധ്യക്ഷത വഹിച്ചു. കരീം കൊട്ടുകാട് സ്വാഗതവും നൗഷാദ് ആലുവ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.