റിയാദ്: ഖര്ജ് റോഡില് ടാങ്കര് ലോറി 13 വാഹനങ്ങളിലിടിച്ച് മറിഞ്ഞ് രണ്ടു പേര് മരിച്ചു. 17 പേര്ക്ക് പരിക്കേറ്റു. വ്യാഴാഴ്ച രാവിലെ ആറോടെയാണ് നഗരത്തെ നടുക്കിയ അപകടം. 13 വാഹനങ്ങള് അപകടത്തില്പെട്ടതിനാല് പ്രദേശത്ത് മണിക്കൂറുകള് ഗതാഗത തടസ്സമുണ്ടായി. പല വാഹനങ്ങളും ടാങ്കറിനടിയില് കുടുങ്ങി. സിവില് ഡിഫന്സും റെഡ്ക്രസന്റും സ്ഥലത്ത് കുതിച്ചത്തെിയാണ് രക്ഷാപ്രവര്ത്തനം നടത്തിയത്. വാഹനത്തിനുള്ളില് കുടുങ്ങി പരിക്കേറ്റ 17 പേരെ ആശുപത്രിയില് പ്രവേശിപ്പിച്ചതായി സിവില് ഡിഫന്സ് വക്താവ് മേജര് മുഹമ്മദ് അല് ഹമ്മാദി അറിയിച്ചു. ടാങ്കറില് ഇന്ധനം ഇല്ലാതിരുന്നത് വന് ദുരന്തം ഒഴിവാക്കി. സിവില് ഡിഫന്സ് മണിക്കൂറുകള് പണിപ്പെട്ടാണ് വാഹനങ്ങള് റോഡില് നിന്ന് നീക്കി ഗതാഗതം പുനഃസ്ഥാപിച്ചത്. ടാങ്കറിനടിയില് കുടുങ്ങിയാണ് രണ്ടു പേര് മരിച്ചത്. ഇവര് ഏതു രാജ്യക്കാരാണെന്ന് വ്യക്തമല്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.