റിയാദ്: വിവിധ മൊബൈല് കമ്പനികളിലെ വരിക്കാര് ഈമാസം 17ന് മുമ്പ് വിരലടയാളം രജിസ്റ്റര് ചെയ്യണമെന്ന് ബന്ധപ്പെട്ട വൃത്തങ്ങള് അറിയിച്ചു. എസ്.ടി.സി, മൊബൈലി, സൈന് തുടങ്ങിയ എല്ലാ കമ്പനികളുടെ വരിക്കാര്ക്കും നിയമം ബാധകമാണ്. 17 ന്് മുമ്പ് വിരലടയാളം നല്കാത്ത വരിക്കാരുടെ സേവനം തല്ക്കാലത്തേക്ക് റദ്ദ് ചെയ്ത് 15 ദിവസത്തെ സാവകാശം അനുവദിക്കും. ഇതിനുള്ളില് വിരലടയാളം നല്കാത്തവര്ക്ക് മൊബൈല് നമ്പറും സേവനവും പൂര്ണമായും നഷ്ടമാവും. ടെലികോം അതോറിറ്റിയുടെ പ്രഖ്യാപനം പുറത്തുവന്നതോടെ വിരലടയാളം എടുക്കുന്ന കേന്ദ്രങ്ങളില് അസാധാരണ തിരക്ക് അനുഭവപ്പെടുകയാണ്. എന്നാല് 17ന് മുമ്പ് വിരലടയാളം നല്കണമെന്ന നിര്ദേശം പ്രീപെയ്ഡ് വരിക്കാര്ക്ക് മാത്രമാണെന്ന് ടെലികോം അതോറിറ്റി ട്വിറ്റര് സന്ദേശത്തില് വ്യക്തമാക്കി. വിരലടയാളം എല്ലാ വരിക്കാര്ക്കും നിര്ബന്ധമാണെങ്കിലും പ്രീപെയ്ഡ് വരിക്കാര്ക്കാണ് അന്തിമ തീയതി നിശ്ചയിച്ചതെന്നും അതോറിറ്റി വിശദീകരിച്ചു. എല്ലാ മൊബൈല് വരിക്കാര്ക്കും ഘട്ടംഘട്ടമായി വിരലടയാളം നിര്ബന്ധമാക്കാനാണ് ഉദ്ദേശം. മെയ്് മാസത്തോടെ എല്ലാ വരിക്കാര്ക്കും വിരലടയാളം നിര്ബന്ധമാക്കുമെന്നാണ് പ്രതീക്ഷിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.