റിയാദ്: സൗദി ഭരണാധികാരി സല്മാന് രാജാവിന് ഈജപ്തിലെ കെയ്റോ സര്വകലാശാലയുടെ ഡോക്ടറേറ്റ്. ഈജിപ്ത് സന്ദര്ശനത്തിന്െറ ഭാഗമായി സര്വകലാശാലയിലത്തെിയ അദ്ദേഹത്തിന് സര്വകലാശാല മേധാവി ഡോ. ജാബിര് നാസറാണ് ബഹുമതി സമ്മാനിച്ചത്. സല്മാന് രാജാവിന് ഈ ബഹുമതി നല്കാനായതില് ആഹ്ളാദമുണ്ടെന്ന് അദ്ദേഹം പറഞ്ഞു. സര്വകലാശാലയിലെ മുതിര്ന്ന ഉദ്യോഗസ്ഥരും ചടങ്ങില് പങ്കെടുത്തു. സമൂഹത്തിന് നല്കിയ സംഭാവനകള് കണക്കിലെടുത്താണ് ബഹുമതി സമ്മാനിച്ചത്. സാമൂഹിക, സാംസ്കാരിക, ബൗദ്ധിക രംഗത്ത് ലോകത്തിന് മികച്ച സംഭാവനകള് നല്കിയ ഈജിപ്തില് നിന്ന് ഇത്തരത്തിലൊരു ബഹുമതി കൈവരിക്കാനായതില് അതീവ സന്തുഷ്ടനാണെന്ന് സല്മാന് രാജാവ് മറുപടി പ്രസംഗത്തില് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.