ഇന്ത്യൻ കൾചറൽ സെന്ററിന്റെ പ്രതിവാര കലാസാംസ്കാരിക പരിപാടിയായ ‘ബുധനാഴ്ച ഫിയസ്റ്റ’യിൽ ഗാനരചയിതാവ് വയലാര് ശരത്ചന്ദ്ര വര്മയെ ആദരിക്കുന്നു
ദോഹ: ഇന്ത്യൻ കൾചറൽ സെന്ററിന്റെ പ്രതിവാര കലാസാംസ്കാരിക പരിപാടിയായ ‘ബുധനാഴ്ച ഫിയസ്റ്റ’യിൽ ഹ്രസ്വ സന്ദര്ശനാർഥം ഖത്തറില് എത്തിയ പ്രശസ്ത ഗാനരചയിതാവ് വയലാര് ശരത് ചന്ദ്ര വര്മ, പ്രശസ്ത കന്നഡ ഗായിക സീമ റൈക്കര് എന്നിവരെ ആദരിച്ചു. ഐ.സി.സി യൂത്ത് വിങ്ങുമായി സഹകരിച്ച് നടത്തിയ പരിപാടിയിൽ പരിസ്ഥിതി സൗഹൃദ ഫാഷന് ഷോ, സംഘനൃത്തങ്ങള് തുടങ്ങിയവ അരങ്ങേറി. വിദ്യാഭ്യാസ മികവിനുള്ള മെഡലുകള് ഖത്തര് അമീറില്നിന്ന് സ്വീകരിച്ച ഇന്ത്യന് വിദ്യാർഥികളെ ചടങ്ങില് അനുമോദിച്ചു.
ഐ.സി.സി അശോക ഹാളില് നടന്ന പരിപാടിയില് ഐ.സി.സി പ്രസിഡന്റ് എ.പി. മണികണ്ഠന് അധ്യക്ഷത വഹിച്ചു. വൈസ് പ്രസിഡന്റ് സുബ്രഹ്മണ്യ ഹെബഗേളു, ജനറല് സെക്രട്ടറി മോഹന്കുമാര് ദുരൈസാമി, മാനേജ്മെന്റ് കമ്മിറ്റി അംഗങ്ങള്, യൂത്ത് വിങ് ചെയര്മാന് എഡ്വിന് സെബാസ്റ്റ്യന്, ജനറല് കണ്വീനര് ദിഷാരി റോയ്, എക്സിക്യൂട്ടിവ് അംഗങ്ങൾ, മുതിര്ന്ന സാമൂഹിക നേതാക്കൾ തുടങ്ങിയവർ പങ്കെടുത്തു. ഐ.സി.സി യൂത്ത് വിങ് കമ്മിറ്റി അംഗം മാരന് ചിദംബരം സ്വാഗതവും പ്രതീക്ഷ ഭോസാലെ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.