അമീറുമായി കൂടിക്കാഴ്ച നടത്തി അമേരിക്കൻ അംബാസഡർ

​ദോ​ഹ: ഖ​ത്ത​റി​ലെ സേ​വ​ന​കാ​ലാ​വ​ധി പൂ​ർ​ത്തി​യാ​ക്കി മ​ട​ങ്ങു​ന്ന അ​മേ​രി​ക്ക​ൻ അം​ബാ​സ​ഡ​ർ ടി​മ്മി ഡേ​വി​സ് അ​മീ​ർ ​ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി, പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി.

ലു​സൈ​ൽ പാ​ല​സി​ൽ ന​ട​ന്ന കൂ​ടി​ക്കാ​ഴ്ച​യി​ൽ ഖ​ത്ത​റി​ലെ ത​ന്റെ സേ​വ​ന കാ​ലാ​വ​ധി​യി​ൽ ന​ൽ​കി​യ പി​ന്തു​ണ​ക്കും, അ​മേ​രി​ക്ക​യും ഖ​ത്ത​റും ത​മ്മി​ലെ ശ​ക്ത​മാ​യ ന​യ​ത​ന്ത്ര സൗ​ഹൃ​ദം കെ​ട്ടി​പ്പ​ടു​ക്കു​ന്ന​തി​ലെ പ​ങ്കി​നും അം​ബാ​സ​ഡ​ർ ന​ന്ദി അ​റി​യി​ച്ചു. ക​ഴി​ഞ്ഞ കാ​ല​യ​ള​വി​ൽ ഖ​ത്ത​ർ അ​മീ​റി​ൽ നി​ന്നും ഉ​ദ്യോ​ഗ​സ്ഥ​രി​ൽ നി​ന്നും മി​ക​ച്ച സ​ഹ​ക​ര​ണ​മാ​യി​രു​ന്നു ല​ഭ്യ​മാ​​യ​തെ​ന്നും കൂ​ടി​ക്കാ​ഴ്ച​യി​ൽ അ​ദ്ദേ​ഹം പ​റ​ഞ്ഞു. പു​തി​യ ദൗ​ത്യ​ത്തി​ലേ​ക്ക് നീ​ങ്ങു​ന്ന അ​മേ​രി​ക്ക​ൻ അം​ബാ​സ​ഡ​ർ​ക്ക് അ​മീ​റും ​പ്ര​ധാ​ന​മ​ന്ത്രി​യും ആ​ശം​സ​ക​ൾ നേ​ർ​ന്നു.

യു.​എ​സ് എം​ബ​സി​യു​ടെ ‘എ​ക്സ്’ പേ​ജി​ലൂ​ടെ അം​ബാ​സ​ഡ​ർ വൈ​കാ​രി​ക​മാ​യി ത​ന്നെ യാ​ത്ര​ചോ​ദി​ച്ചി​രു​ന്നു. വി​വി​ധ വി​ഷ​യ​ങ്ങ​ളി​ൽ ഖ​ത്ത​റി​ന്റെ ഇ​ട​പെ​ട​ലു​ക​ളെ​യും, അ​ന്താ​രാ​ഷ്ട്ര ത​ല​ത്തി​ലെ ന​യ​ത​ന്ത്ര, സ​മാ​ധാ​ന ദൗ​ത്യ​ത്തെ​യും ടി​മ്മി ഡേ​വി​സ് പ്ര​ശം​സി​ച്ചു. മു​​ൻ സൈ​നി​ക​ൻ കൂ​ടി​യാ​യ ടി​മ്മി ഡേ​വി​സ് 2022 സെ​പ്റ്റം​ബ​റി​ലാ​ണ് ഖ​ത്ത​റി​ലെ അ​മേ​രി​ക്ക​ൻ അം​ബാ​സ​ഡ​റാ​യി സ്ഥാ​ന​മേ​ൽ​ക്കു​ന്ന​ത്.