കാ​ർ​ബ​ൺ ബ​ഹി​ർ​ഗ​മ​നം ക​ണ്ടെ​ത്താ​ൻ ട്രാ​ക്കി​ങ്​ ആ​പ്​

ദോ​ഹ: പ​ശ്ചി​മേ​ഷ്യ​യി​ലെ ആ​ദ്യ കാ​ർ​ബ​ൺ ഫൂ​ട്പ്രി​ൻ​റ് ട്രാ​ക്കി​ങ് ആ​പ് ഖ​ത്ത​റി​ൽ ആ​രം​ഭി​ച്ചു. ഭൗ​മ​ദി​ന​ത്തോ​ട​നു​ബ​ന്ധി​ച്ച് ഖ​ത്ത​ർ അ​റ​ബ് യൂ​ത്ത് ക്ലൈ​മ​റ്റ് മൂ​വ്മെൻറാ​ണ് (എ.​വൈ.​സി.​എം.​ക്യു) ആ​പ് പു​റ​ത്തി​റ​ക്കി​യി​രി​ക്കു​ന്ന​ത്. ഖ​ത്ത​റി​ലെ അ​മേ​രി​ക്ക​ൻ എം​ബ​സി ഗ്രാ​ൻ​ഡ്​ ഫ​ണ്ടി​ങ് പി​ന്തു​ണ​യോ​ടെ​യാ​ണ് ഖ​ത്ത​ർ ആ​സ്​​ഥാ​ന​മാ​യി പ്ര​വ​ർ​ത്തി​ക്കു​ന്ന എ.​വൈ.​സി.​എം.​ക്യു പു​തി​യ സം​രം​ഭ​വു​മാ​യി മു​ന്നോ​ട്ടു​വ​ന്നി​രി​ക്കു​ന്ന​ത്.

ക​ഴി​ഞ്ഞ വ​ർ​ഷം എ.​വൈ.​സി.​എം.​ക്യു ആ​രം​ഭി​ച്ച ഗാ​ർ​ഹി​ക കാ​ർ​ബ​ൺ ഫൂ​ട്പ്രി​ൻ​റ് സം​രം​ഭ ഭാ​ഗ​മാ​യാ​ണ് പു​തി​യ ആ​പ് പു​റ​ത്തി​റ​ക്കി​യി​രി​ക്കു​ന്ന​ത്. ആ​പ് ലോ​ഞ്ചി​ങ് ച​ട​ങ്ങി​ൽ അ​മേ​രി​ക്ക​ൻ എം​ബ​സി ചാ​ർ​ജ് ഡി ​അ​ഫ​യേ​ഴ്സ്​ ഇ​യാ​ൻ മ​ക്ക​റി, എ.​വൈ.​സി.​എം.​ക്യു എ​ക്സി​ക്യൂ​ട്ടി​വ് ഡ​യ​റ​ക്ട​ർ നി​ഷാ​ദ് ഷാ​ഫി, പ​ദ്ധ​തി​യു​ടെ ഡ​യ​റ​ക്ട​റും പ്രോ​ജ​ക്ട് ലീ​ഡു​മാ​യ ഡോ. ​സ​യീ​ദ് മു​ഹ​മ്മ​ദ്, ഡ​യ​റ​ക്ട​ർ ഹി​സ്സ അ​ൽ ന​ഈ​മി, മ​ന്ത്രാ​ല​യ ഉ​ദ്യോ​ഗ​സ്​​ഥ​ർ, എം​ബ​സി ജീ​വ​ന​ക്കാ​ർ തു​ട​ങ്ങി​യ​വ​ർ പ​ങ്കെ​ടു​ത്തു.

വ്യ​ക്തി​യു​ടെ​യോ സ​മൂ​ഹ​ത്തി​ന്‍റെ​യോ പ്ര​വ​ർ​ത്ത​ന​ങ്ങ​ൾ കാ​ര​ണം അ​ന്ത​രീ​ക്ഷ​ത്തി​ലേ​ക്ക് പു​റ​ന്ത​ള്ള​പ്പെ​ടു​ന്ന കാ​ർ​ബ​ൺ​ഡൈ ഓ​ക്സൈ​ഡി​ന്‍റെ അ​ള​വി​നെ​യാ​ണ് കാ​ർ​ബ​ൺ ഫൂ​ട്പ്രി​ൻ​റ് എ​ന്ന് പ​റ​യു​ന്ന​ത്. അ​ന്ത​രീ​ക്ഷ​ത്തി​ലെ ഹ​രി​ത​ഗൃ​ഹ വാ​ത​ക​ങ്ങ​ളു​ടെ അ​ള​വ് കു​റ​ക്കാ​ൻ സ​ഹാ​യി​ക്കു​ന്ന പാ​രി​സ്​​ഥി​തി​ക പ​ദ്ധ​തി​ക​ൾ​ക്ക് ധ​ന​സ​ഹാ​യം ന​ൽ​കി കാ​ർ​ബ​ൺ ഫൂ​ട്പ്രി​ൻ​റു​ക​ൾ സ​ന്തു​ലി​ത​മാ​ക്കു​ക​യാ​ണ് കാ​ർ​ബ​ൺ ഓ​ഫ്സെ​റ്റി​ന്‍റെ പ്ര​ധാ​ന ല​ക്ഷ്യം.അ​തേ​സ​മ​യം, കാ​ർ​ബ​ൺ ഫൂ​ട്പ്രി​ൻ​റ് ട്രാ​ക്കി​ങ് ആ​പ്പി​ന്‍റെ ഉ​പ​യോ​ഗം സം​ബ​ന്ധി​ച്ച് 700ല​ധി​കം അ​ധ്യാ​പ​ക​രെ​യും വി​വി​ധ സ്​​കൂ​ളു​ക​ളി​ലെ നൂ​റു​ക​ണ​ക്കി​ന് വി​ദ്യാ​ർ​ഥി​ക​ളെ​യും പ​രി​ശീ​ലി​പ്പി​ച്ചി​ട്ടു​ണ്ടെ​ന്നും, ഉ​ട​ൻ​ത​ന്നെ ര​ണ്ടാ​യി​ര​ത്തോ​ളം വീ​ടു​ക​ളി​ലേ​ക്ക് ഇ​തെ​ത്തി​ക്കാ​ൻ സാ​ധി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ഹി​സ്സ അ​ൽ നു​ഐ​മി പ​റ​ഞ്ഞു.

നേ​ര​ത്തെ, ഗാ​ർ​ഹി​കാ​ടി​സ്​​ഥാ​ന​ത്തി​ൽ പു​റ​ന്ത​ള്ള​പ്പെ​ടു​ന്ന കാ​ർ​ബ​ൺ അ​ള​വ് തി​ട്ട​പ്പെ​ടു​ത്തു​ന്ന​തി​നും ഊ​ർ​ജ സ്രോ​ത​സ്സു​ക​ളു​ടെ ഉ​പ​ഭോ​ഗം മ​ന​സ്സി​ലാ​ക്കു​ന്ന​തി​നും ന​ട​ത്തു​ന്ന സ​ർ​വേ​ക്കാ​യി 700ല​ധി​കം അ​ധ്യാ​പ​ക​ർ പ​രി​ശീ​ല​നം പൂ​ർ​ത്തി​യാ​ക്കി​യ​താ​യും പ​ദ്ധ​തി​യി​ൽ 20 സ്​​കൂ​ളു​ക​ൾ ഉ​ൾ​പ്പെ​ടു​ന്ന​താ​യും എ.​വൈ.​സി.​എം.​ക്യു അ​റി​യി​ച്ചി​രു​ന്നു. വി​ദേ​ശ​കാ​ര്യ മ​ന്ത്രാ​ല​യം, കാ​ല​വ​സ്​​ഥ വ​കു​പ്പ്, സു​സ്​​ഥി​ര​ത വി​ഭാ​ഗം പ്ര​ത്യേ​ക പ്ര​തി​നി​ധി ബ​ദെ​ർ അ​ൽ ദ​ഫ, യു​നെ​സ്​​കോ ജി.​സി.​സി ആ​ൻ​ഡ് യ​മ​ൻ ഡ​യ​റ​ക്ട​ർ ഡോ. ​അ​ന്ന പൗ​ലി​ന എ​ന്നി​വ​രു​ടെ സാ​ന്നി​ധ്യ​ത്തി​ൽ ക​ഴി​ഞ്ഞ വ​ർ​ഷ​മാ​ണ് സ​ർ​വേ ആ​രം​ഭി​ച്ച​ത്.

മ​റ്റു ഗ​ൾ​ഫ് രാ​ജ്യ​ങ്ങ​ളി​ലേ​ക്ക് കൂ​ടി സ​ർ​വേ വ്യാ​പി​പ്പി​ക്കാ​നു​ള്ള ത​യാ​റെ​ടു​പ്പി​ലാ​ണ് എ.​വൈ.​സി.​എം.​ക്യു. 2030ഓ​ടെ 25 ശ​ത​മാ​നം കാ​ർ​ബ​ൺ ഫൂ​ട്പ്രി​ൻ​റ് കു​റ​ക്കു​ക​യെ​ന്ന ല​ക്ഷ്യം മു​ൻ​നി​ർ​ത്തി ക​ഴി​ഞ്ഞ വ​ർ​ഷം ഒ​ക്ടോ​ബ​റി​ൽ ഖ​ത്ത​ർ ദേ​ശീ​യ കാ​ലാ​വ​സ്​​ഥ വ്യ​തി​യാ​ന ക​ർ​മ​പ​ദ്ധ​തി​ക്ക് തു​ട​ക്കം കു​റി​ച്ചി​രു​ന്നു.