ഒളിമ്പിക്​ നഗരിയിൽ ആദ്യമായി ദേശീയഗാനം

ദോഹ: കാത്തിരിപ്പുകൾക്കൊടുവിൽ ഒളിമ്പിക്​ മെഡൽ പോഡിയത്തിൽ ഖത്തറി​െൻറ ദേശീയഗാനം മുഴങ്ങിക്കേട്ടു. നേരത്തെ​ വെള്ളി, വെങ്കല മെഡലുകളണിഞ്ഞപ്പോൾ പതാകകൾ പലവട്ടം ഉയർന്നെങ്കിലും സ്വർണമണിഞ്ഞ രാജ്യത്തിനുള്ള അവകാശമായ ദേശീയഗാനം മുഴങ്ങുന്നത്​ കേൾക്കാനായുള്ള കാത്തിരിപ്പിലായിരുന്നു രാജ്യം.

ദേശീയഗാനം മുഴങ്ങിക്കേൾക്കുന്ന വിഡിയോ പങ്കുവെച്ചായിരുന്നു ഖത്തർ ഒളിമ്പിക്​ കമ്മിറ്റി പ്രസിഡൻറ്​ ശൈഖ്​ ജൊവാൻ ബിൻ ഹമദ്​ ബിൻ ഖലീഫ ആൽഥാനി മെഡൽ സന്തോഷം പങ്കുവെച്ചത്​. അമീർ ശൈഖ്​ തമിം ബിൻ ഹമദ്​ ആൽഥാനിക്കും പിതാവ്​ അമീറിനും അഭിനന്ദനവും അനുഗ്രഹവും ചൊരിഞ്ഞ ജൊവാൻ, അറബ്​ ലോകത്തിനും ഖത്തറിലെ ജനങ്ങൾക്കും അഭിമാന നിമിഷമാണെന്നും പറഞ്ഞു.