അമേരിക്കയുടെ പ്രസ്​താവന ഖത്തറിനെതിരായി ചിലർ വളച്ചൊടിച്ചു

ദോഹ: ഇസ്രായേലുമായി ഖത്തർ വളരെ അടുത്തിരിക്കു​െന്നന്ന രീതിയിൽ അമേരിക്കൻ ഉന്നത ഉദ്യോഗസ്ഥൻ പറ​െഞ്ഞന്ന തരത്തിൽ വാക്കുകൾ വളച്ചൊടിച്ച് അയൽരാജ്യത്തെ ചാനൽ.ഇസ്രായേലുമായി യു.എ.ഇ, ബഹ്റൈൻ തുടങ്ങിയ രാജ്യങ്ങൾ ബന്ധം സ്ഥാപിച്ചതിനെ സമീകരിച്ച് ഗൾഫ് രാജ്യങ്ങൾക്കിടയിലും ഇത്തരത്തിൽ ബന്ധം സ്ഥാപിക്കണമെന്നാണ് താൽപര്യമെന്ന് കഴിഞ്ഞ ദിവസം അമേരിക്കയുടെ ഡെപ്യൂട്ടി അസി. സ്​റ്റേറ്റ് സെക്രട്ടറി (ഗൾഫ് അഫയേഴ്്സ്​) തിമോത്തി ലാൻഡർകിങ് പ്രസ്​താവിച്ചിരുന്നു.ഇതാണ് അയൽരാജ്യത്തെ ചാനൽ വളച്ചൊടിച്ച് പുറത്തുവിട്ടിരിക്കുന്നത്.

ഇസ്രായേലുമായുള്ള ബന്ധം സംബന്ധിച്ച് ഖത്തർ നിലപാട് വ്യക്തമാക്കിയത് ചൂണ്ടിക്കാട്ടിയ അദ്ദേഹം, അത് വാഷിങ്​ടൺ മനസ്സിലാക്കു​െന്നന്നും അതിലേക്ക് ഇനിയും ഒരുപാട് മുന്നോട്ട് പോകാനുണ്ടെന്നും ഓരോ രാജ്യത്തിനും അവരുടേതായ മാനദണ്ഡങ്ങളും നിലപാടുകളും ഇക്കാര്യത്തിലുണ്ടാകുമെന്നും വ്യക്തമാക്കിയിരുന്നു. ഫലസ്​തീൻ പ്രതിസന്ധി പരിഹരിക്കാതെയുള്ള ഒരു സമാധാന ചർച്ചകൾക്കും പരിഹാരത്തിനും തങ്ങളില്ല എന്ന നിലപാട് വ്യക്തമാക്കി ഖത്തർ രംഗത്ത് വരുകയും ചെയ്തിരുന്നു.

ഫലസ്​തീൻ വിഷയത്തിൽ കൃത്യമായ പരിഹാരം കണ്ടെത്താതെ ഇസ്രായേലുമായി ബന്ധം സ്ഥാപിക്കാൻ യു.എ. ഇയുടെയും ബഹ്റൈനിെൻറയും കൂടെ ഖത്തറുണ്ടാകുകയില്ലെന്ന് വിദേശകാര്യ സഹമന്ത്രി ലുൽവ റാഷിദ് അൽ ഖാതിറും വ്യക്തമാക്കിയിരുന്നു. അതോടൊപ്പം ഖത്തറിനെ നാറ്റോയുടെ സഖ്യരാഷ്​ട്ര പദവിയിലെത്തിക്കുമെന്നും അമേരിക്കൻ ഉദ്യോഗസ്ഥൻ തിമോത്തി ലാൻഡർ കിങ് വ്യക്തമാക്കിയിരുന്നു.ഗൾഫ് രാജ്യങ്ങൾ ഭിന്നതകൾ മറന്ന് ഐക്യപ്പെടണമെന്നാണ് അമേരിക്കയുടെ താൽപര്യമെന്നും എല്ലാ ഗൾഫ് രാജ്യങ്ങളുമായും അമേരിക്കക്ക് നല്ല ബന്ധമാണെന്നുമാണ്​ അദ്ദേഹം ചൂണ്ടിക്കാട്ടിയത്​.