ദോഹ: എ എഫ് സി ചാമ്പ്യൻസ് ലീഗ് പോരാട്ടവും ഇടവേളകളും കഴിഞ്ഞ് ക്യൂ എൻ ബി ഖത്തർ സ്റ്റാർസ് ലീഗ് പോരാട്ടങ്ങൾക്ക് വീണ്ടും ചൂട് പിടിക്കുന്നു.
സ്റ്റാർസ് ലീഗിെൻറ ആറാം റൗണ്ടിലെ ശ്രദ്ധേയമായ മത്സരം അൽ സദ്ദ് ക്ലബും റയ്യാനും തമ്മിലുള്ള ഖത്തർ ക്ലാസിക്കോ പോരാട്ടമായിക്കും.
ഈ സീസണിലെ കിരീട ഫേവറിറ്റുകളെ തീരുമാനിക്കുന്ന പോരാട്ടമായിരിക്കും ഇത്. 2015ലെ ജേതാക്കളായ റയ്യാനാണ് സ്റ്റാർസ് ലീഗ് പോയൻറ് പട്ടികയിൽ 11 പോയൻറുമായി മുന്നിൽ നിൽക്കുന്നത്. എന്നാൽ റയ്യാനേക്കാൾ ഒരു മത്സരം കുറച്ച് കളിച്ച സദ്ദിന് 10 പോയൻറുണ്ടെന്നിരിക്കെ മത്സരം കടുക്കും. സാവി നയിക്കുന്ന സദ്ദിനെതിരെ മികച്ച പ്രകടനം തന്നെ റയ്യാന് പുറത്തെടുക്കേണ്ടി വരും. എ എഫ് സി ചാമ്പ്യൻസ് ലീഗിൽ ഇറാൻ വമ്പൻ ക്ലബായ ഇസ്തിഖ്ലാലിനെ പരാജയപ്പെടുത്തിയുള്ള സദ്ദിെൻറ വരവ് റയ്യാൻ നിരയിൽ വിള്ളലുണ്ടാക്കും. സെബാസ്റ്റ്യൻ സോറിയ നയിക്കുന്ന റയ്യാൻ സദ്ദിന് ഭീഷണി തന്നെയായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.