ദോഹ: അൽ നസ്ർ ഏരിയയിലെ പ്രധാന റോഡുകൾ വിപുലീകരിക്കുന്നതിെൻറ ഭാഗമായി അൽ നസ്ർ സ്ട്രീറ്റ്, അൽ മിർഖാബ് അൽ ജദീദ് സ്ട്രീറ്റ് എന്നിവ ഗതാഗതത്തിനായി പൊതുമരാമത്ത് വകുപ്പ് തുറന്നുകൊടുത്തു. ദോഹ എക്സ്പ്രസ്വേയുമായും സുഹൈം ബിൻ ഹമദ് സ്ട്രീറ്റു(സി റിങ് റോഡ്)മായും ബന്ധിപ്പിക്കുന്ന അൽ മിർഖാബ് അൽ ജദീദ് സ്ട്രീറ്റ് ഫരീജ് അൽ നസ്ർ മേഖലയിലെ പ്രധാന റോഡുകളിലൊന്നാണ്. സ്ട്രീറ്റിെൻറ 1.8 കിലോമീറ്റർ ഭാഗമാണ് വിപുലീകരിച്ചത്. മേഖലയിലെ പ്രധാന റോഡുകളിലൊന്നായ അൽ നാസർ സ്ട്രീറ്റിെൻറ 600 മീറ്റർ ഭാഗമാണ് വികസിപ്പിച്ചത്. ഈ ഭാഗത്തെ ഗതാഗതക്കുരുക്ക് അവസാനിപ്പിക്കുന്നതിന് ഇത് ഏറെ ഉപകരിക്കും.
മുഹമ്മദ് ബിൻ ഖാസിം സ്ട്രീറ്റിനൊപ്പം അൽ മിർഖാബ് അൽ ജദീദ് ഇൻറർസെക്ഷൻ, അൽ കിനാന സ് ട്രീറ്റിനൊപ്പമുള്ള മുഹമ്മദ് ബിൻ ഖാസിം ഇൻറർസെക്ഷൻ, മുഹമ്മദ് ബിൻ ഖാസിം സ്ട്രീറ്റിനൊപ്പമുള്ള ഉഥ്മാൻ ബിൻ തൽഹ സ്ട്രീറ്റ് ഇൻറർസെക്ഷൻ, സി–റിങ് റോഡുമായി ചേർന്നുള്ള അൽ മിർഖാബ് അൽ ജദീദ് സ്ട്രീറ്റ് ഇൻറർസെക്ഷൻ എന്നീ നാല് സിഗ്നൽ നിയന്ത്രിത ഇൻറർസെക്ഷനുകളും ഗതാഗതത്തിന് തുറന്നു കൊടുത്തു. അൽ മിർഖാബ് അൽ ജദീദ് സ്ട്രീറ്റിൽ മുഹമ്മദ് ബിൻ ഖാസിം സ്ട്രീറ്റ് ഇൻറർസെക്ഷനിൽ നിന്നും സി–റിങ് റോഡ് വരെയുള്ള ഭാഗത്ത് ഇരുദിശയിലേക്ക് രണ്ട് വരിപ്പാതയാക്കി വികസിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.