ദോഹ: ലുസൈൽ ഇൻറർനാഷനൽ ലൈറ്റ് ആൻഡ് ഡിജിറ്റൽ മീഡിയ ഫെസ്റ്റിവലിന് തുടക്കമായി. റെ സ്പെക്ട് എന്ന പ്രമേയത്തിലൂന്നിയുള്ള ലൈറ്റ് മി ലുസൈൽ ഫെസ്റ്റിവൽ, ലുസൈൽ മറീന ഈസ്റ ്റേണിലും സൗത്ത് െപ്രാമേനേഡിലുമാണ് നടക്കുന്നത്. ഉദ്ഘാടന ദിവസവും വ്യാഴാഴ്ചയുമായി സ്വദേശികളും വിദേശികളുമടക്കം നിരവധിയാളുകളാണ് ലൈറ്റ് മേള കാണാനായി ലുസൈലിലെത്തിയത്.നാലു ദിവസം നീണ്ടുനിൽക്കുന്ന വെളിച്ചങ്ങളുടെ ഉത്സവം നാളെ അവസാനിക്കും. 2കെ.എം ഫെസ്റ്റിവൽ, 12 ആർട്ട് ലൈറ്റ് ഇൻസ്റ്റലേഷനുകൾ, രണ്ട് ബോട്ട് റൂട്ടുകൾ, എൽ.എം.എൽ കാർ, ഫുഡ് ആൻഡ് ബിവറേജ് ഔട്ട്ലറ്റുകൾ എന്നിവ ഉൾപ്പെടുന്നതാണ് ലൈറ്റ് മി ലുസൈൽ. വൈകീട്ട് 5.30 മുതൽ രാത്രി 11.30 വരെയാണ് പരിപാടിയുടെ സമയം.
വിനോദസഞ്ചാര, സാംസ്കാരിക ഹബ്ബായി ഖത്തറിനെ അരക്കിട്ടുറപ്പിക്കുന്ന വെളിച്ചങ്ങളുടെ ഉത്സവമാണ് ലൈറ്റ് മി ലുസൈൽ. കലയുടെ ആഗോള ഭാഷയിൽ അന്താരാഷ്ട്ര സമൂഹത്തെ ബഹുമാനിക്കുകയും ആദരിക്കുകയും ചെയ്യുകയെന്ന സന്ദേശമാണ് ഇത്തവണ മേളയിലൂടെ നൽകുന്നത്. കുടുംബങ്ങൾക്കും കുട്ടികൾക്കും കൂട്ടുകാർക്കും വൈവിധ്യമാർന്ന ഫോട്ടോകൾ പകർത്തുന്നതിനും ലൈറ്റ് മി ലുസൈൽ അവസരം നൽകുന്നു. ഖത്തരി ദിയാർ, വൈബ്രൻറ്, നഖീൽ ലാൻഡ്സ്കേപ് എന്നിവരാണ് മുഖ്യപ്രായോജകർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.