ഔ​ഡി​യു​ടെ എ​ഫ്.​വ​ൺ പ​ദ്ധ​തി​യി​ൽ പ​​ങ്കു​ചേ​ർ​ന്ന് ഖ​ത്ത​റും

ദോ​ഹ: ലോ​ക​ത്തെ മു​ൻ​നി​ര കാ​ർ ബ്രാ​ൻ​ഡാ​യ ജ​ര്‍മ​നി​യു​ടെ ഔ​ഡി​യി​ല്‍ നി​ക്ഷേ​പം ന​ട​ത്തി ഖ​ത്ത​ര്‍ ഇ​ന്‍വെ​സ്റ്റ്മെ​ന്റ് അ​തോ​റി​റ്റി. ഫോ​ർ​മു​ല വ​ൺ ചാ​മ്പ്യ​ൻ​ഷി​പ്പി​ന്റെ ഭാ​ഗ​മാ​യ ഔ​ഡി​യു​ട‌െ എ​ഫ്.​വ​ണ്‍ പ്രോ​ജ​ക്ടി​ലാ​ണ് ഖ​ത്ത​ര്‍ നി​ക്ഷേ​പം ന​ട​ത്തി​യ​ത്.

ഫെ​രാ​രി, മ​ക്ല​ര​ൻ, മേ​ഴ്സി​ഡ​സ് ഉ​ൾ​പ്പെ​ടെ എ​ഫ്.​വ​ണി​ൽ ത​ങ്ങ​ളു​ടെ കാ​റു​ക​ൾ നി​ര​ത്തി​ലി​റ​ക്കു​ന്ന ​വ​മ്പ​ൻ ബ്രാ​ൻ​ഡു​ക​ളു​ടെ പി​ന്നാ​ലെ​യാ​ണ് ജ​ർ​മ​നി​യി​ൽ നി​ന്നു ഔ​ഡി​യും ഫോ​ർ​മു​ല വ​ൺ റേ​സി​ങ് കാ​റു​ക​ളു​ടെ നി​ർ​മാ​ണം ആ​രം​ഭി​ക്കു​ന്ന​ത്.

2026ഓ​ടെ ​വേ​ഗ​പ്പോ​രി​ന്റെ ട്രാ​ക്കി​ലേ​ക്ക് ഇ​റ​ങ്ങാ​നി​രി​ക്കു​ക​യാ​ണ് ഔ​ഡി ഫാ​ക്ട​റി ടീ​മും. ഔ​ഡി​ക്ക് കീ​ഴി​ലു​ള്ള സൗ​ബ​ര്‍ ഹോ​ള്‍ഡി​ങ്ങി​ന്റെ ഷെ​യ​റാ​ണ് ഖ​ത്ത​ര്‍ ഇ​ന്‍വെ​സ്റ്റ്മെ​ന്റ് അ​തോ​റി​റ്റി സ്വ​ന്ത​മാ​ക്കി​യ​ത്. ക​മ്പ​നി​യു​ടെ ഓ​ഹ​രി​യി​ല്‍ ചെ​റി​യ ഭാ​ഗം മാ​ത്ര​മാ​ണ് ഖ​ത്ത​ര്‍ വാ​ങ്ങി​യ​തെ​ങ്കി​ലും ദീ​ര്‍ഘ​കാ​ല നി​ക്ഷേ​പ​മാ​ണ് ന​ട​ത്തി​യി​രി​ക്കു​ന്ന​ത്. ക്യു.​ഐ.​എ​യു​ടെ ഫ​ണ്ട് വ​ഴി ഔ​ഡി​യു​ടെ ഫോ​ർ​മു​ല വ​ൺ പ്രോ​ജ​ക്ടി​ന് വേ​ഗ​ത കൂ​ടും. ഫാ​ക്ട​റി​യു​ടെ അ​ടി​സ്ഥാ​ന സൗ​ക​ര്യ​ങ്ങ​ള്‍ വി​ക​സി​പ്പി​ക്കു​ന്ന​തി​നാ​കും ഫ​ണ്ട് ചെ​ല​വ​ഴി​ക്കു​ക.

ഫോ​ർ​മു​ല വ​ൺ റേ​സി​ങ് ചാ​മ്പ്യ​ൻ​ഷി​പ്പി​ലെ ഡ്രൈ​വ​ർ​മാ​രാ​യ ബ്ര​സീ​ലി​ന്റെ 20കാ​ര​ൻ ഗ​ബ്രി​യേ​ൽ ബോ​ർ​ടോ​ലെ​റ്റോ, ജ​ർ​മ​ൻ​കാ​ര​ൻ നി​കോ ഹ​ൾ​കെ​ൻ​ബ​ർ​ഗ് എ​ന്നി​വ​രെ 2026 സീ​സ​ണി​ൽ ത​ങ്ങ​ളു​ടെ വ​ള​യം പി​ടി​ക്കാ​ൻ ഔ​ഡി അ​ടു​ത്തി​ടെ സ്വ​ന്ത​മാ​ക്കി​ക്ക​ഴി​ഞ്ഞി​രു​ന്നു.

ഖ​ത്ത​റി​ൽ​നി​ന്നു​ള്ള നി​ക്ഷേ​പം ത​ങ്ങ​ളു​ടെ എ​ഫ്.​വ​ൺ പ​ദ്ധ​തി​യി​ലു​ള്ള വി​ശ്വാ​സ്യ​ത​യു​ടെ തെ​ളി​വാ​ണെ​ന്നും, ദീ​ർ​ഘ​കാ​ല പ​ങ്കാ​ളി​ത്ത​ത്തി​ലൂ​ടെ വേ​ഗ​ത്തി​ൽ ല​ക്ഷ്യ​ത്തി​ലെ​ത്താ​ൻ ക​ഴി​യു​മെ​ന്നും ഔ​ഡി സി.​ഇ.​ഒ ഗെ​ർ​നോ​ട് ഡോ​ൾ​ന​ർ പ​റ​ഞ്ഞു.