മരുഭൂമിയുടെ കൗതുകവുമായി ഒലാഫുറിന്റെ പ്രദർശനം

ദോ​ഹ: മ​രു​ഭൂ​മി​യു​ടെ അ​ത്ഭു​ത​ക​ര​മാ​യ നി​ഗൂ​ഢ​ത​ക്കു​ള്ളി​ൽ അ​പൂ​ർ​വ​മാ​യ ക​ലാ​വി​രു​ന്നൊ​രു​ക്കി ലോ​ക​പ്ര​ശ​സ്ത ക​ലാ​കാ​ര​ൻ ഒ​ലാ​ഫു​ർ എ​ലി​യാ​സ​ണി​ന്റെ സൃ​ഷ്ടി​ക​ളു​ടെ പ്ര​ദ​ർ​ശ​ന​ത്തി​ന് തു​ട​ക്ക​മാ​യി. ഖ​ത്ത​ർ ​ക്രി​യേ​റ്റ്സി​നു കീ​ഴി​ലാ​ണ് ‘ദി ​ക്യൂ​രി​യ​സ് ഡെ​സേ​ർ​ട്ട്’​എ​ന്ന​പേ​രി​ൽ പു​തി​യ പ്ര​ദ​ർ​ശ​നം ആ​രം​ഭി​ച്ച​ത്. അ​ൽ ദ​കി​റ ക​ണ്ട​ൽ കാ​ടു​ക​ൾ നി​റ​ഞ്ഞ പ്ര​ദേ​ശ​ത്തും, ഖ​ത്ത​ർ നാ​ഷ​ന​ൽ മ്യൂ​സി​യ​ത്തി​ലു​മാ​യാ​ണ് വൈ​വി​ധ്യ​മാ​ർ​ന്ന ക​ലാ​സൃ​ഷ്ടി​ക​ൾ അ​ണി​നി​ര​ത്തി​യ പ്ര​ദ​ർ​ശ​നം ന​ട​ക്കു​ന്ന​ത്. ആ​ഗ​സ്റ്റ് 15 വ​രെ ഇ​ത് നീ​ണ്ടു നി​ൽ​ക്കും.

വെ​ളി​ച്ച​വും നി​റ​ങ്ങ​ളും ജ്യാ​മി​തീ​യ ക​ണ​ക്കു​ക​ളു​മെ​ല്ലാം സ​ന്നി​വേ​ശി​പ്പി​ക്കു​ന്ന​താ​ണ് ഐ​സ്‍ല​ൻ​ഡ്-​ഡാ​നി​ഷ് ക​ലാ​കാ​ര​നാ​യ ഒ​ലാ​ഫു​റി​ന്റെ സൃ​ഷ്ടി​ക​ൾ.

ഖ​ത്ത​ർ മ്യൂ​സി​യം​സ് ചെ​യ​ർ​പേ​ഴ്സ​ൻ ശൈ​ഖ അ​ൽ മ​യാ​സ ബി​ൻ​ത് ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി പ്ര​ദ​ർ​ശ​നം ഉ​ദ്ഘാ​ട​നം ചെ​യ്തു. ക​ലാ​സൃ​ഷ്ടി​ക്കൊ​പ്പം പ​രി​സ്ഥി​തി അ​വ​ബോ​ധം​കൂ​ടി ന​ൽ​കു​ന്ന​താ​ണ് ഒ​ലാ​ഫു​റി​ന്റെ സൃ​ഷ്ടി​ക​ളെ​ന്ന് ശൈ​ഖ അ​ൽ​മ​യാ​സ പ​റ​ഞ്ഞു.

ദോ​ഹ​യി​ൽ നി​ന്നും 64 കി​ലോ​മീ​റ്റ​ർ ദൂ​രെ അ​ൽ ദ​ഖി​റ ക​ണ്ട​ൽ മേ​ഖ​ല​യി​ലാ​ണ് 12 താ​ൽ​ക്കാ​ലി​ക പ​വി​ലി​യ​നി​ലാ​യി ഒ​രു കൂ​ട്ടം ക​ലാ​സൃ​ഷ്ടി​ക​ൾ പ്ര​ദ​ർ​ശി​പ്പി​ച്ച​ത്. ​സൂ​ര്യ​​പ്ര​കാ​ശ​വും കാ​റ്റും വെ​ള്ള​വും ഉ​ൾ​പ്പെ​ടെ പ്ര​കൃ​തി​യു​ടെ കൂ​ടി പ്ര​തി​ഫ​ല​ന​ങ്ങ​ൾ ഒ​പ്പി​യെ​ടു​ത്താ​ണ് ഇ​വ കാ​ഴ്ച​ക്കാ​ര​ന് പു​തു​ചി​ന്ത​ക​ൾ പ​ക​രു​ന്ന​ത്. മ​ഴ​വി​ൽ വ​ർ​ണ​വും നി​ഴ​ലു​മെ​ല്ലാം ഓ​രോ പ​വി​ലി​യ​നി​ലെ​യും കാ​ഴ്ച​ക​ൾ ആ​സ്വാ​ദ​ക​ന് സ​മ്മാ​നി​ക്കു​ന്നു.