ഇന്ത്യയുടെ വനിതാ ക്രിക്കറ്റ് ലോകകപ്പ് ക്രിക്കറ്റ് വിജയത്തിൽ ഇൻകാസ് ഖത്തർ മലപ്പുറം ജില്ല കമ്മിറ്റി കേക്ക് മുറിച്ച്
ആഘോഷിച്ചപ്പോൾ
ദോഹ: ഇന്ത്യയുടെ വനിതാ ക്രിക്കറ്റ് ലോകകപ്പ് ക്രിക്കറ്റ് വിജയത്തിൽ ഇൻകാസ് ഖത്തർ മലപ്പുറം ജില്ല കമ്മിറ്റി തുമാമയിലെ ഭാരത് ടേസ്റ്റ് റസ്റ്റാറന്റിൽ കേക്ക് മുറിച്ച് ആഘോഷിച്ചു. നവി മുംബൈയിലെ ഡിവൈ പാട്ടീൽ സ്റ്റേഡിയത്തിൽ ഇന്ത്യൻ വനിത ക്രിക്കറ്റ് ടീം ക്യാപ്റ്റൻ ഹർമൻപ്രീത് കൗർ ഐ.സി.സി ഏകദിന വനിത ലോകകപ്പ് ഉയർത്തിയതോടെ ഇന്ത്യൻ കായിക ചരിത്രത്തിൽ പുതിയൊരു അധ്യായം എഴുതപ്പെട്ടു.
ഇന്ത്യൻ ടീം ലോകകിരീടം സ്വന്തമാക്കിയതോടെ അത് വെറും കായിക വിജയം മാത്രമല്ല, സ്ത്രീശക്തിയുടെ പ്രതീകമായും മാറി. ചടങ്ങിൽ ഇൻകാസ് മലപ്പുറം ജില്ല പ്രസിഡന്റ് നൗഫൽ കട്ടുപ്പാറ, ജാഫർ കമ്പാല, ഇർഫാൻ പകര, നേതാക്കളായ സമീർ ഏറാമല, ജീസ് ജോസഫ്, ശ്രീജിത്ത് നായർ, സലീം ഇടശ്ശേരി, ജോർജ് അഗസ്റ്റിൻ, ജൂട്ടാസ് പോൾ, ജംനാസ്, പ്രശോബ്, മാഷിക് മറ്റു ജില്ല നേതാക്കൾ എന്നിവർ പങ്കെടുത്തു.
വനിത ക്രിക്കറ്റ് ടീമിന്റെ ഉജ്ജ്വല വിജയം ഇന്ത്യൻ കായിക രംഗത്തിനും ലോകമെമ്പാടുമുള്ള ഇന്ത്യൻ പ്രവാസികൾക്കും അഭിമാന നിമിഷമായെന്ന് നേതാക്കൾ അഭിപ്രായപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.