ദോഹ: എല്ലാ കക്ഷികളും ഉള്പ്പെട്ട ചര്ച്ചയിലൂടെ മാത്രമേ ഗള്ഫ് പ്രതിസന്ധി പരിഹരിക്കാനാകൂ എന്ന ഫ്രഞ്ച് പ്രസിഡൻറ് ഇമ്മാനുവല് മാക്രോണ് സ്വീകരിച്ച നിലപാടിനെ പ്രശംസിച്ച് അമീര് ശൈഖ് തമീം ബിന് ഹമദ് ആൽഥാനി. ഖത്തറിന് ഫ്രാന്സ് നല്കുന്ന പിന്തുണക്കും അമീര് നന്ദി അറിയിച്ചു.
പാരീസിലെ എലിസീ പാലസില് ഫ്രഞ്ച് പ്രസിഡൻറിനൊപ്പം നടത്തിയ സംയുക്ത വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
തീവ്രവാദവുമായി ബന്ധപ്പെട്ട് ഖത്തറിനെതിരെ പ്രചരിക്കുന്ന നിരവധി വിവരങ്ങളും റിപ്പോര്ട്ടുകളും സത്യമല്ല. ലോകസമാധാനത്തിനും മേഖലാ സമാധാനത്തിനും ഖത്തര് ചെയ്യുന്നതെന്താണെന്ന് കാണാന് എല്ലാവരെയും ക്ഷണിക്കുകയാണ്. ഖത്തറിെൻറ പ്രവര്ത്തനങ്ങള്ക്കും ഫ്രാന്കോ ഖത്തരി സൗഹൃദത്തിനും ഫ്രഞ്ച് ജനത നല്കുന്ന അംഗീകാരത്തെ പ്രശംസിക്കുന്നതായും അമീര് പറഞ്ഞു.
റഷ്യന് മിസൈല് പ്രതിരോധ സംവിധാനം(എസ്400) വാങ്ങുന്നത് സംബന്ധിച്ച് ചര്ച്ചകളിലാണ്. ഈ വിഷയത്തില് ഇതുവരെയും യാതൊരു കരാറിലേക്കും എത്തിയിട്ടില്ലെന്നും അമീര് പറഞ്ഞു. ഫ്രാന്സും ഖത്തറും തമ്മിലുള്ള ബന്ധം സുശക്തവും തന്ത്രപരവുമാണെന്ന് ഫ്രഞ്ച് പ്രസിഡന്റ് മാക്രോണ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.