സി.ഐ.സിയുടെ ഉപഹാരം ഷാജുദ്ദീൻ ഹൈദർ അബ്ദുൽ ജലീലിന് കൈമാറുന്നു
ദോഹ: സെന്റർ ഫോർ ഇന്ത്യൻ കമ്യൂണിറ്റി (സി.ഐ.സി) ഐൻ ഖാലിദ് മോർണിങ് യൂനിറ്റ് പ്രവർത്തകനും സി.ഐ.സി കേന്ദ്ര കൂടിയാലോചന സമിതി അംഗവുമായ ആർ.എസ്. അബ്ദുൽ ജലീലിന് സഹപ്രവർത്തകർ യാത്രയയപ്പ് നൽകി.
ജോലി ആവശ്യാർഥം ജിദ്ദയിലേക്ക് പോവുന്ന എറണാകുളം നെട്ടൂർ സ്വദേശിയായ അബ്ദുൽ ജലീൽ ഒരു പതിറ്റാണ്ടിലേറെക്കാലമായി ഖത്തറിലെ സാമൂഹിക സാംസ്കാരിക മണ്ഡലങ്ങളിലെ നിറസാന്നിധ്യവും നിലവിലെ സി.ഐ.സി കേന്ദ്ര ഫൈനാൻസ് സെക്രട്ടറിയും മുൻകാലയളവിലെ ജനറൽ സെക്രട്ടറിയുമായിരുന്നു.
സി.ഐ.സി റയ്യാൻ സോണൽ പ്രസിഡന്റ് മുഹമ്മദ് അലി ശാന്തപുരം അധ്യക്ഷത വഹിച്ച ചടങ്ങിൽ ഐൻ ഖാലിദ് യൂനിറ്റ് പ്രസിഡന്റ് ഷാജുദ്ദീൻ ഹൈദർ ഉപഹാരം കൈമാറി. മൊയ്തു കേളോത്ത്, അമീൻ അന്നാര, ഷെരീഫ് ചിറക്കൽ, ഷാജുദ്ദീൻ എന്നിവർ സംസാരിച്ചു. ഐദീഹ് തങ്ങളുടെ ഖിറാഅത്തോടെ ആരംഭിച്ച പരിപാടിയിൽ റയ്യാൻ സോൺ സംഘടന സെക്രട്ടറി അബ്ദുൽ ജലീൽ എം.എം സ്വാഗതം പറഞ്ഞു. ആർ.എസ്. അബ്ദുൽ ജലീൽ മറുപടി പ്രസംഗം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.