പെരുന്നാളിനെ വരവേറ്റ്​

ദോഹ: ഇന്ന്​ വിശ്വാസസമൂഹത്തിന്​ അറഫാദിനം. ഹജ്ജ്​ കർമം പ്രധാന ചടങ്ങിലേക്ക്​ നീങ്ങിയപ്പോൾ ലോക​ം ഒന്നാകെ ബലിപെരുന്നാളിനെ വരവേൽക്കാൻ ഒരുങ്ങുകയാണ്​. പെരുന്നാളും ആഘോഷവുമെല്ലാം കോവിഡിൽ കുരുങ്ങിയ മുൻ വർഷത്തേക്കാൾ ഏറെ ആശ്വാസത്തിലാണ്​ ഇത്തവണ ജനങ്ങൾ പെരുന്നാൾ ആഘോഷത്തെ വരവേൽക്കുന്നത്​. മുൻവർഷങ്ങളിൽ ​​െ​ചറിയ പെരുന്നാളും ബലിപെരുന്നാളും കടുത്ത കോവിഡ്​ നിയന്ത്രണങ്ങളിലായിരു​ന്നുവെങ്കിൽ ഇക്കുറി വാക്​സിനേഷൻ നൽകിയ ആശ്വാസം എല്ലായിടത്തുമുണ്ട്​. കോവിഡ്​ പ്രതിരോധ വാക്​സിനുകൾ രാജ്യത്തെ 40 പിന്നിട്ട 85 ശതമാനം പേർക്കും ലഭ്യമായതും കൗമാരക്കാർ ഉൾപ്പെടെയുള്ളവർക്ക്​ വാക്​സിനേഷൻ നടപടികൾ ആരംഭിച്ചതും ഈ പെരുന്നാളിനെത്തുന്ന ആശ്വാസമാണ്​. യാത്രാനിയന്ത്രണങ്ങൾ ലഘൂകരിച്ചതും രണ്ടു​ വാക്​സിൻ സ്വീകരിച്ചവർക്ക്​ ക്വാറൻറീൻ ഒഴിവാക്കിയതുമെല്ലാം ഇരട്ടി സന്തോഷവുമായി.

റെസ്​റ്റാറൻറ്​ ബുക്കിങ്​ സജീവം

മാളുകളും ഷോപ്പിങ്​ സെൻററുകളും വസ്​ത്രക്കടകളും കഴിഞ്ഞാൽ ഏറ്റവും ഏറെ തിരക്ക്​​ റെസ്​റ്റാറൻറുകളിലാണ്​. ഈദ്​ദിനത്തിൽ സുഹൃത്തുക്കൾക്കും കുടുംബത്തിനുമൊപ്പം പാർട്ടികൾക്ക്​ പദ്ധതിയിടുന്നവർ ഇതിനകംതന്നെ റെസ്​റ്റാറൻറുകളിൽ പെരുന്നാൾ വിഭവങ്ങൾക്കായി ബുക്കിങ്​ തുടങ്ങിക്കഴിഞ്ഞു. പ്രത്യേക ഓഫറുകൾ നൽകിയാണ്​ പല റെസ്​റ്റാറൻറുകളും ഉപഭോക്താക്കളെ പിടിക്കുന്നത്​.

'കഴിഞ്ഞ ദിവസങ്ങളിൽ കൂടുതൽ ബുക്കിങ്ങുകളാണ്​ നടന്നത്​. പ്രധാന റെസ്​റ്റാറൻറുകളിൽ ഉച്ച, രാത്രി ഭക്ഷണങ്ങൾക്ക്​ ബുക്കിങ്​ പൂർത്തിയായിക്കഴിഞ്ഞു. പ്രധാനമായും രാത്രി ഏഴിന​ുശേഷമാണ്​ കൂടുതൽ ബുക്കിങ്​' -റെസ്​റ്റാറൻറ്​ റിസർവേഷൻ ആപ്ലിക്കേഷനായ 'യൂടിസീറ്റ്​' സി.ഇ.ഒ ആലിയ ഫാത്തിമ ലാല പറയുന്നു. കോവിഡ്​ കാരണം അവധിക്കാല യാത്രകൾ മുടങ്ങിയതും കൂടുതൽ പേരും രാജ്യത്തുതന്നെ തങ്ങാൻ തീരുമാനിച്ചതും റെസ്​റ്റാറൻറ്​ ബുക്കിങ്​ സജീവമാക്കിയതായി ഇവർ പറയുന്നു.

ഹോട്ടൽ, കഫറ്റീരിയ ഉൾപ്പെടെ മറ്റു മേഖലകളിലും ​ഈദ്​ ദിനങ്ങളിൽ കൂടുതൽ തിരക്ക്​ പ്രതീക്ഷിച്ചിരിക്കുകയാണ് മലയാളികൾ ഉൾപ്പെടെയുള്ള ​വ്യാപാരികൾ. സജീവമായി വസ്​ത്രവിപണി

മലയാളികൾ ഉൾപ്പെടെയുള്ള പ്രവാസികൾ​ ഷോപ്പിങ്​​ തിരക്കിലായിരുന്നു ഞായറാഴ്​ച. പൊതു അവധിയി ആരംഭിച്ചതോടെ കഴിഞ്ഞ വൈകുന്നേരവും രാത്രിയിലും പ്രധാന​പ്പെട്ട മാളുകളിലും വിവിധ സൂഖുകളിലും തിരക്കേറി. 'കഴിഞ്ഞ വർഷം രണ്ടു പെരുന്നാളും ​ഇവിടെ തന്നെയായിരുന്നു. കോവിഡും ശമ്പളം പകുതിയായി കുറച്ചതും കാരണം ​പുതുവസ്​ത്രം ഒഴിവാക്കി. എന്നാൽ, ഇക്കുറി വാക്​സിൻ രണ്ടു ഡോസും എടുത്താണ്​ പെരുന്നാളിന്​ ഒരുങ്ങുന്നത്​. അതിനാൽ പുതുവസ്​ത്രവും ഒഴിവാക്കുന്നില്ല' -ഞായറാഴ്​ച 'ഡി' റിങ്ങിലെ ലുലു മാളിൽ ഷോപ്പിങ്ങിനെത്തിയ മലപ്പുറം സ്വദേശി ശംസുദ്ദീൻ പറയുന്നു.