ദോഹ: ഖത്തറിൽ വെള്ളിയാഴ്ച ആശ്വാസത്തിൻെറ കോവിഡ് കണക്കുകൾ. വ്യാഴാഴ്ച രോഗികളുടെ എണ്ണം 300 കടന്നതിൻെറ ഞെട്ടലിലായിരുന്നെങ്കിൽ വെള്ളിയാഴ്ച രോഗബാധ 221ലേക്ക് കുറഞ്ഞു. ഇതിൽ 193 പേർക്ക് സമൂഹവ്യാപനത്തിലൂടെയാണ് രോഗബാധ. 78 പേർ വിദേശത്തുനിന്ന് തിരിച്ചെത്തിയവരാണ്. 193 പേരാണ് ഇന്നലെ രോഗമുക്തരായത്. പുതിയ മരണങ്ങളില്ല.
നിലവിലുള്ള ആകെ രോഗികളുടെ എണ്ണം 2845 ആയി. 24,736 പേർക്കാണ് കഴിഞ്ഞ ദിവസം പരിശോധന നടത്തിയത്. 94 പേർ വിവിധ ആശുപത്രികളിലായി ചികിത്സയിലുണ്ട്. ഇതിൽ എട്ടു പേരെ കഴിഞ്ഞ 24 മണിക്കൂറിനുള്ളിൽ പ്രവേശിപ്പിച്ചതാണ്. 19 പേർ തീവ്രപരിചരണ വിഭാഗത്തിൽ കഴിയുന്നുണ്ട്. ഇതിൽ മൂന്നുപേരെ ഇന്നലെ പ്രവേശിപ്പിച്ചതാണ്. 24 മണിക്കൂറിനിടെ 25,648 ഡോസ് വാക്സിൻ നൽകി. ഇതുവരെ ആകെ 42.28 ലക്ഷം ഡോസ് വാക്സിൻ നൽകിയതായി ആരോഗ്യ മന്ത്രാലയം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.