ദോഹ: കോവിഡ് 19 സ്ഥിരീകരിച്ച് ചികിൽസയിലായിരുന്ന രണ്ടുപേർ കൂടി ഖത്തറിൽ മരിച്ചു. ഇതോടെ ആകെ മരണം 19 ആയി. 50ഉം 43ഉം വയസുള്ളവരാണ് വെള്ളിയാഴ്ച മരിച്ചതെന്ന് പൊതുജനാരോഗ്യമന്ത്രാലയം അറിയിച്ചു.
ഇരുവരും തീവ്രപരിചരണ വിഭാഗത്തിൽ ചികിൽസയിലായിരുന്നു. ശനിയാഴ്ച 1830 പേർക്കുകൂടി കോവിഡ് സ്ഥിരീകരിച്ചിട്ടുണ്ട്. 605 പേർ ഇന്നലെ രോഗമുക്തി നേടി. ആകെ രോഗം ഭേദമായവർ 7893 ആയി.
ആകെ 1,80,642 പേരെ പരിശോധിച്ചപ്പോൾ 40,481 പേർക്കാണ് വൈറസ് ബാധ സ്ഥിരീകരിച്ചത്. രോഗം ഭേദമായവരും മരിച്ചവരും ഉൾപ്പെടെയാണിത്. നിലവിൽ 1719 പേരാണ് വിവിധ ആശുപത്രികളിൽ കഴിയുന്നത്. ഇതിൽ 175 പേർ തീവ്രപരിചരണ വിഭാഗത്തിലാണ്. മറ്റുള്ളവർ വിവിധ സമ്പർക്കവിലക്ക് കേന്ദ്രങ്ങളിലാണ് കഴിയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.