ദോഹ: ഖത്തറിൽ പുതിയ രോഗികളേക്കാൾ പുതിയ രോഗമുക്തർ ഉണ്ടാവുന്നത് ആശ്വാസകരമാണെന്ന് പൊതുജനാരോഗ്യമന്ത്രാലയം. എല്ലാദിവസവും രോഗം ഭേദമാകുന്നവർ കൂടി വരികയാണ്. ആകെ 33437 പേർ ഇതുവരെ രോഗമുക്തരായിട്ടുണ്ട്.
മുമ്പ് പുതിയ രോഗികൾ കൂടുതലും പുതിയ രോഗമുക്തർ കുറവുമായിരുന്നു. കഴിഞ്ഞ ദിവസങ്ങളിൽ ഈ സ്ഥിതി മാറുകയും നേരെ തിരിച്ചാവുകയും ചെയ്തിട്ടുണ്ട്. തിങ്കളാഴ്ച രണ്ട് കോവിഡ് രോഗികൾ കൂടി മരിച്ചു. 50ഉം 58ഉം പ്രായമായവരാണ് മരിച്ചത്. ഇതോടെ ആകെ മരണം 40 ആയി. 1523 പേർക്കുകൂടി പുതുതായി വൈറസ് ബാധ സ് ഥിരീകരികപ്പെട്ടപ്പോൾ 3147 പേർ രോഗമുക്തരായി.
ആകെ 225919 പേരിൽ പരിശോധന നടത്തിയപ്പോൾ 58433പേർക്കാണ് വൈറസ് ബാധ സ്ഥിരീകരിച്ചത്. രോഗം ഭേദമായവരും മരിച്ചവരും ഉൾെപ്പടെയാണിത്. നിലവിൽ ചികിൽസയിലുള്ളവർ ആകെ 24956പേരാണ്. ഇതിൽ 1493 പേരാണ് വിവിധ ആശുപത്രികളിൽ ചികിൽസയിലുള്ളത്. ഇതിൽ 240 പേർ തീവ്രപരിചരണവിഭാഗത്തിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.