ദോഹ: ഖത്തറിൽ 2599പേർക്ക് കൂടി കോവിഡ് രോഗം ഭേദമായി. 1826പേർക്കുകൂടി പുതുതായി രോഗം സ്ഥിരീകരിച്ചിട്ടുമുണ്ട്. മൂന്നുപേർ കൂടി മരിച്ചു. ആകെ മരണം 43 ആയി. 24, 59, 62 വയസുള്ളവരാണ് ചൊവ്വാഴ്ച മരിച്ചതെന്ന്
പൊതുജനാരോഗ്യമന്ത്രാലയം അറിയിച്ചു. കഴിഞ്ഞ 24 മണിക്കൂറിനിടെ 5179 പേരെയാണ് പരിശോധനക്ക് വിധേയരാക്കിയത്. 220 പേരെ ആശുപത്രിയിൽ പ്രവേശിപ്പിച്ചിട്ടുമുണ്ട്. തീവ്രപരിചരണവിഭാഗത്തിൽ 20 പേരാണ് 24മണിക്കൂറിനുള്ളിൽ എത്തിയത്. രാജ്യത്ത് ആകെ കോവിഡ് ഭേദമായവർ 36036 ആയി. 231098 പേരെ ആകെ പരിശോധിച്ചപ്പോൾ 60259 പേർക്കാണ് ആകെ വൈറസ് ബാധ സ്ഥിരീകരിക്കെപ്പട്ടത്.
മരിച്ചവരും രോഗം ഭേദമായവരും ഉൾപ്പെടെയാണിത്. 24180 ആണ് നിലവിലുള്ള ആകെ രോഗികൾ. 1504 പേരാണ് ആശുപത്രിയിൽ കഴിയുന്നത്. ഇതിൽ 239 പേർ തീവ്രപരിചരണവിഭാഗത്തിലാണ്. ബാക്കിയുള്ളവർ വിവിധ സമ്പർക്കവിലക്ക് കേന്ദ്രങ്ങളിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.