ദോഹ: ലുസൈൽ ഡ്രൈവ് ത്രൂ സെന്‍റർ വഴി ബുധനാഴ്ച മുതൽ ബൂസ്റ്റർ ഡോസ് വാക്സിനും നൽകുമെന്ന് ആരോഗ്യ മന്ത്രാലയം. ജനുവരി ആദ്യവാരം മുതൽ ആർ.ടി.പി.സി.ആർ പരിശോധനകൾക്കായി ആരംഭിച്ച ഡ്രൈവ് ത്രൂ സെന്‍ററിലെ ആറ് ലൈനുകൾ വഴി ബൂസ്റ്റർ ഡോസ് നൽകാനാണ് തീരുമാനം. ശേഷിച്ച നാല് ലൈനുകളിലായി കോവിഡ് പരിശോധന തുടരമെന്നും അറിയിച്ചു.
ഒന്നും രണ്ടും ഡോസ് വാക്സിനുകൾ ഡ്രൈവ് ത്രു സെൻറർ വഴി ലഭ്യമായിരിക്കില്ല. ബൂസ്റ്റർ ഡോസിന് നേരത്തെ അപോയ്മെന്‍റ് ലഭിച്ചവർക്ക് മാത്രമായിരിക്കും പ്രതിരോ കുത്തിവെപ്പ് ലഭിക്കുകയെന്ന് ആരോഗ്യ മന്ത്രാലയം വ്യക്തമാക്കി. രാവിലെ എട്ട് മുതൽ രാത്രി 10 വരെയാണ് ഡ്രൈവ് ത്രൂ സെന്‍ററിന്‍റെ പ്രവർത്തന സമയം. ബുക്കിങ്ങിന് അനുസരിച്ച് അപോയ്മെന്‍റ് സ്ലോട്ട് ലഭിക്കുന്നവർക്ക് നിശ്ചിത സമയത്തിനുള്ളിൽ എത്തി ബൂസ്റ്റർ ഡോസ് സ്വീകരിക്കാൻ കഴിയും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.