അ​മീ​ർ ക​പ്പി​ൽ ഇ​ന്ന് കി​രീ​ട​പ്പോ​രാ​ട്ടം

ദോ​ഹ: ഖ​ത്ത​റി​ന്റെ ഏ​റ്റ​വും വ​ലി​യ ക്ല​ബ് പോ​രാ​ട്ട​മാ​യ അ​മീ​ർ ക​പ്പ് ഫു​ട്ബാ​ൾ ഫൈ​ന​ലി​ന് വെ​ള്ളി​യാ​ഴ്ച അ​ഹ്മ​ദ് ബി​ൻ അ​ലി സ്റ്റേ​ഡി​യം വേ​ദി​യാ​കും. നോ​ക്കൗ​ട്ട് അ​ങ്ക​ങ്ങ​ൾ​ക്കൊ​ടു​വി​ൽ കി​രീ​ട​പോ​രാ​ട്ട​ത്തി​ൽ അ​ൽ സ​ദ്ദ് എ​സ്.​സി​യും അ​ൽ അ​റ​ബി എ​സ്.​സി​യു​മാ​ണ് മു​ഖാ​മു​ഖം. ലോ​ക​ക​പ്പി​നു​ശേ​ഷം ന​ട​ക്കു​ന്ന ആ​ദ്യ ​അ​മീ​ർ ക​പ്പ് ഫൈ​ന​ൽ എ​ന്ന പ്ര​ത്യേ​ക​ത ഇ​ത്ത​വ​ണ​ത്തെ പോ​രാ​ട്ട​ത്തി​നു​ണ്ട്.

രാ​ത്രി ഏ​ഴു​മ​ണി​ക്കാ​ണ് മ​ത്സ​ര​ത്തി​ന്റെ കി​ക്കോ​ഫ്. സീ​സ​ണി​ൽ കി​രീ​ട വ​ര​ൾ​ച്ച അ​നു​ഭ​വി​ക്കു​ന്ന അ​ൽ സ​ദ്ദി​ന് സ്റ്റാ​ർ​സ് ലീ​ഗി​ലും ഖ​ത്ത​ർ ക​പ്പി​ലും പ്ര​തീ​ക്ഷി​ച്ച പ്ര​ക​ട​നം കാ​ഴ്ച​വെ​ക്കാ​ൻ ക​ഴി​ഞ്ഞി​ട്ടി​ല്ല. ആ ​ന​ഷ്ടം നി​ക​ത്താ​നാ​ണ് ത​ങ്ങ​ളു​ടെ 19ാം അ​മീ​ർ ക​പ്പ് കി​രീ​ടം ല​ക്ഷ്യം വെ​ച്ച് ഹ​സ​ൻ ഹൈ​ദോ​സും അ​ക്രം അ​ഫീ​ഫി​യും ന​യി​ക്കു​ന്ന അ​ൽ സ​ദ്ദ് ഇ​റ​ങ്ങു​ന്ന​ത്. അ​ൽ സ​ദ്ദി​ന്റെ ഭാ​ഗ്യ​കി​രീ​ടം കൂ​ടി​യാ​ണ് അ​മീ​ർ ക​പ്പ്.

2020, 2021 സീ​സ​ണു​ക​ളി​ലും ഇ​വ​ർ​ക്കാ​യി​രു​ന്നു കി​രീ​ടം. ക​ഴി​ഞ്ഞ​വ​ർ​ഷം അ​ത് അ​ൽ ദു​ഹൈ​ലി​ന് സ​മ്മാ​നി​ച്ചു മ​ട​ങ്ങി. എ​ന്നാ​ൽ, ഇ​ത്ത​വ​ണ മ​റ്റ് മൂ​ന്നു ക്ല​ബ് പോ​രാ​ട്ട​ങ്ങ​ളി​ലും പി​ന്ത​ള്ള​പ്പെ​ട്ട​പ്പോ​ൾ മി​ക​ച്ച ജ​യ​ത്തോ​ടെ ത​ന്നെ ടീം ​ഫൈ​ന​ലി​ലെ​ത്തി. സെ​മി​യി​ൽ അ​ൽ ഷ​ഹാ​നി​യ​യെ​യാ​യി​രു​ന്നു തോ​ൽ​പി​ച്ച​ത്.

എ​തി​രാ​ളി​ക​ളാ​യ അ​ൽ അ​റ​ബി എ​സ്.​സി സെ​മി​യി​ൽ അ​ൽ സൈ​ലി​യ​യെ​യാ​ണ് തോ​ൽ​പി​ച്ച​ത്. എ​ട്ടു ത​വ​ണ അ​മീ​ർ ക​പ്പ് കി​രീ​ട​ത്തി​ൽ മു​ത്ത​മി​ട്ട​വ​ർ 1993ന് ​ശേ​ഷം ആ​ദ്യ​മാ​യി കി​രീ​ട​ത്തി​ൽ മു​ത്ത​മി​ടാ​നു​ള്ള ത​യാ​റെ​ടു​പ്പി​ലാ​ണ്. 1994ലും, 2020​ലും ടീം ​ഫൈ​ന​ൽ ക​ളി​ച്ചെ​ങ്കി​ലും കി​രീ​ട ഭാ​ഗ്യം ല​ഭി​ച്ചി​ല്ല.

ഖ​ത്ത​റി​ൽ ഏ​റ്റ​വും കൂ​ടു​ത​ൽ ആ​രാ​ധ​ക പി​ന്തു​ണ​യു​ള്ള ടീ​മു​ക​ളാ​ണ് ഏ​റ്റു​മു​ട്ടു​ന്ന​ത് എ​ന്ന പ്ര​ത്യേ​ക​ത 51ാമ​ത് അ​മീ​ർ ക​പ്പ് ഫൈ​ന​ലി​നു​ണ്ട്. മ​ത്സ​ര ടി​ക്ക​റ്റു​ക​ളെ​ല്ലാം നേ​ര​ത്തേ വി​റ്റ​ഴി​ഞ്ഞി​രു​ന്നു. കാ​ണി​ക​ൾ​ക്ക് മെ​ട്രോ വ​ഴി​യും സ്വ​കാ​ര്യ വാ​ഹ​ന​ങ്ങ​ൾ വ​ഴി​യും സ്റ്റേ​ഡി​യ​ത്തി​ലെ​ത്താ​മെ​ന്ന് ക​ഴി​ഞ്ഞ ദി​വ​സം ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ അ​ധി​കൃ​ത​ർ വി​ശ​ദീ​ക​രി​ച്ചു.

സ്വ​കാ​ര്യ വാ​ഹ​ന​ങ്ങ​ള്‍

• ദോ​ഹ​യി​ല്‍നി​ന്ന് കാ​റി​ല്‍ എ​ത്തു​ന്ന​വ​ര്‍ എ​ക്‌​സി​റ്റ് 22 വി​ലൂ​ടെ അ​ല്‍ മ​ജ്ദ് റോ​ഡ് ഇ​ന്റ​ര്‍സെ​ക്ഷ​നി​ലെ​ത്തി അ​വി​ടെ നി​ന്ന് വ​ല​ത്തേ​ക്ക് തി​രി​ഞ്ഞാ​ല്‍ പാ​ര്‍ക്കി​ങ് സ്ഥ​ല​ത്തെ​ത്താം.
• അ​ല്‍ റി​ഫ റോ​ഡി​ല്‍നി​ന്ന് വ​രു​ന്ന​വ​ര്‍ അ​ല്‍ റി​ഫ റൗ​ണ്ട് എ​ബൗ​ട്ടി​ല്‍നി​ന്ന് വ​ല​ത്തേ​ക്ക് തി​രി​ഞ്ഞ് സ​ര്‍വി​സ് റോ​ഡി​ലൂ​ടെ എ​ത്തി​യാ​ല്‍ പാ​ര്‍ക്കി​ങ്ങി​ലെ​ത്താം.
• അ​ല്‍ മ​ജ്ദ് റോ​ഡി​ന്റെ വ​ട​ക്കു​നി​ന്നെ​ത്തു​ന്ന​വ​ര്‍ അ​ഹ്മ​ദ് ബി​ന്‍ അ​ലി ഇ​ന്റ​ര്‍സെ​ക്ഷ​നി​ല്‍ നി​ന്ന് വ​ല​ത്തേ​ക്ക് തി​രി​ഞ്ഞ് എ​ക്‌​സി​റ്റ് 57ലേ​ക്ക് പ്ര​വേ​ശി​ച്ച് അ​വി​ടെ​നി​ന്ന് ഇ​ട​ത്തേ​ക്ക് തി​രി​ഞ്ഞാ​ല്‍ പാ​ര്‍ക്കി​ങ് കേ​ന്ദ്ര​ത്തി​ലേ​ക്ക് എ​ത്താം.
• ദു​ഖാ​ന്‍ റോ​ഡി​ലൂ​ടെ വ​രു​ന്ന​വ​ര്‍ എ​ക്‌​സി​റ്റ് പ​തി​നെ​ട്ടി​ല്‍ നി​ന്ന് വ​ല​ത്തേ​ക്ക് തി​രി​ഞ്ഞ് അ​ല്‍ റി​ഫ സ്ട്രീ​റ്റി​ലേ​ക്ക് പ്ര​വേ​ശി​ച്ച് യു ​ടേ​ണ്‍ എ​ടു​ത്ത് വീ​ണ്ടും വ​ല​ത്തേ​ക്ക് തി​രി​ഞ്ഞാ​ല്‍ പാ​ര്‍ക്കി​ങ്ങി​ലെ​ത്താം.

മെ​ട്രോ​യി​ല്‍ എ​ത്താ​ന്‍

ദോ​ഹ മെ​ട്രോ​യു​ടെ ഗ്രീ​ന്‍ ലൈ​നി​ല്‍ അ​ല്‍ റി​ഫ മാ​ള്‍ ഓ​ഫ് ഖ​ത്ത​ര്‍ സ്റ്റേ​ഷ​നി​ല്‍ (എ​ക്‌​സി​റ്റ് 2) ഇ​റ​ങ്ങി​യാ​ല്‍ സ്റ്റേ​ഡി​യ​ത്തി​ലേ​ക്ക് ന​ട​ക്കാ​നു​ള്ള ദൂ​ര​മേ​യു​ള്ളൂ. ദോ​ഹ മെ​ട്രോ പു​ല​ര്‍ച്ചെ 1.00 വ​രെ സ​ര്‍വി​സ് നീ​ട്ടി​യി​ട്ടു​ണ്ട്.