ചി​ല്ല​ല​മാ​ര​ക​ളി​ൽ നി​ന്നി​റ​ങ്ങി വ​രു​ന്ന മ്യൂ​സി​യം ചി​ന്ത​ക​ളു​മാ​യി ഒ​രു മ​ല​യാ​ളി

ദോ​ഹ: ചി​ല്ല് അ​ല​മാ​ര​യി​ല​ട​ച്ച, നൂ​റ്റാ​ണ്ടു​ക​ൾ പ​ഴ​ക്ക​മു​ള്ള അ​സ്ഥി​കൂ​ട​ങ്ങ​ളും പൗ​രാ​ണി​ക വ​സ്തു​ക്ക​ളു​മെ​ല്ലാം കാ​ഴ്ച​ക്കാ​ര​ന് ചു​റ്റും നി​ന്ന് വാ​ചാ​ല​മാ​കു​ന്ന മ്യൂ​സി​യ​ത്തെ കു​റി​ച്ച് ചി​ന്തി​ച്ചു നോ​ക്കൂ. കാ​ഴ്ച​വ​സ്തു​ക്ക​ൾ എ​ന്നും പ​റ​ഞ്ഞു നെ​റ്റി​ചു​ളി​ച്ചു ന​ട​ന്നു നീ​ങ്ങു​ന്ന പു​തു ത​ല​മു​റ​ക്കാ​രെ പി​ടി​ച്ചു​നി​ർ​ത്തി, അ​വ​രു​ടെ രീ​തി​യി​ൽ സം​വ​ദി​ക്കു​ന്ന മ്യൂ​സി​യ​ങ്ങ​ൾ.

കാ​ഴ്ച​ബം​ഗ്ലാ​വി​ൽ പൊ​ടി പി​ടി​ച്ചു കി​ട​ക്കു​ന്ന പൗ​രാ​ണി​ക വ​സ്തു​ക്ക​ളു​ടെ പ്ര​ദ​ർ​ശ​നം എ​ന്ന മ്യൂ​സി​യം സ​ങ്ക​ൽ​പ​ത്തെ നി​ർ​മി​ത ബു​ദ്ധി​യു​ടെ കാ​ല​ത്തി​നൊ​ത്ത് പ​രി​ഷ്ക​രി​ക്കു​ക​യെ​ന്ന വെ​ല്ലു​വി​ളി ഏ​റ്റെ​ടു​ത്ത ഒ​രു മ​ല​യാ​ളി​യു​ടെ വാ​ക്കു​ക​ൾ​ക്കാ​യി​രു​ന്നു ക​ഴി​ഞ്ഞ​യാ​ഴ്ച ഖ​ത്ത​റി​ലി​രു​ന്ന് ലോ​കം കാ​തോ​ർ​ത്ത​ത്. മേ​യ് ആ​റ് മു​ത​ൽ ഒ​മ്പ​തു വ​രെ ഖ​ത്ത​ർ നാ​ഷ​ന​ൽ മ്യൂ​സി​യം വേ​ദി​യാ​യ ഇ​ന്റ​ർ​നാ​ഷ​ന​ൽ കൗ​ൺ​സി​ൽ ഓ​ഫ് മ്യൂ​സി​യം (ഇ​ന്റ​ർ​കോം) അ​ന്താ​രാ​ഷ്ട്ര സ​മ്മേ​ള​ന വേ​ദി​യി​ൽ ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള മ്യൂ​സി​യം വി​ദ​ഗ്ധ​ർ ഒ​ന്നി​ച്ച​പ്പോ​ൾ ഈ ​മ​ല​യാ​ളി​യു​ടെ വാ​ക്കു​ക​ൾ അ​വ​ർ ശ്ര​​ദ്ധ​യോ​ടെ ശ്ര​വി​ച്ചു.

മ​ല​പ്പു​റം കോ​ട്ട​ക്ക​ൽ പു​തു​പ്പ​റ​മ്പ് സ്വ​ദേ​ശി​യും അ​ലീ​ഗ​ഢ് മു​സ്‍ലിം യൂ​നി​വേ​ഴ്സി​റ്റി മ്യൂ​സി​യോ​ള​ജി വി​ഭാ​ഗം മേ​ധാ​വി​യു​മാ​യ ഡോ. ​കെ. അ​ബ്ദൂ​ൽ റ​ഹീം ‘ഫ്യൂ​ച്ച​ർ ഓ​ഫ് മ്യൂ​സി​യം​സ്’​ത​ല​ക്കെ​ട്ടി​ൽ അ​വ​ത​രി​പ്പി​ച്ച വി​ഷ​യം മാ​റു​ന്ന കാ​ല​ത്തി​നൊ​ത്ത് ​പു​രാ​വ​സ്തു പ്ര​ദ​ർ​ശ​ന​ശാ​ല​ക​ളു​ടെ മാ​റ്റ​ങ്ങ​ളി​ലേ​ക്ക് വെ​ളി​ച്ചം വീ​ശി.

നൂ​റ്റാ​ണ്ടു​ക​ളു​ടെ ക​ഥ പ​റ​യാ​റു​ള്ള വ​സ്തു​ക്ക​ൾ പൊ​ടി​പി​ടി​ച്ച ചി​ല്ല​ല​മാ​ര​ക്കു​ള്ളി​ൽ ത​ന്നെ കി​ട​ന്നാ​ൽ, പു​തു​ത​ല​മു​റ തി​രി​ഞ്ഞു​നോ​ക്കി​ല്ലെ​ന്നാ​ണ് അ​ബ്ദു​ൽ റ​ഹീം എ​ന്ന മ്യൂ​സി​യോ​ള​ജി വി​ദ​ഗ്ധ​ന്റെ നി​രീ​ക്ഷ​ണം. വ​ലി​യ വ​ലി​യ വി​നോ​ദോ​പാ​ധി​ക​ളു​ള്ള ലോ​ക​ത്ത് ‘സെ​വ​ൻ ഡി’​ദൃ​ശ്യ വി​സ്മ​യ​ത്തി​ലേ​ക്ക് കാ​ലം മാ​റു​മ്പോ​ൾ അ​തി​നൊ​ത്ത് മ്യൂ​സി​യ​ങ്ങ​ളും പ​രി​ഷ്ക​രി​ക്ക​പ്പെ​ട​ണ​മെ​ന്നാ​യി​രു​ന്നു ത​ന്റെ വി​ഷ​യ​ത്തി​ലൂ​ടെ അ​ദ്ദേ​ഹം അ​വ​ത​രി​പ്പി​ച്ച​ത്.

റോ​ബോ​ട്ടി​ക് സൗ​ക​ര്യ​വും, വെ​ർ​ച്വ​ൽ റി​യാ​ലി​റ്റി, ഓ​ഗ്മെ​ന്റ് റി​യാ​ലി​റ്റി മു​ത​ൽ എ.​ആ​ർ സാ​​ങ്കേ​തി​ക വി​ദ്യ വ​രെ ഉ​ൾ​പ്പെ​ടു​ത്തി മ്യൂ​സി​യം കാ​ഴ്ച​യെ എ​ങ്ങ​നെ ‘സ്മാ​ർ​ട്ട്’​ആ​ക്കാം എ​ന്ന് ഇ​ദ്ദേ​ഹം അ​വ​ത​രി​പ്പി​ച്ച പേ​പ്പ​ർ കൈ​യ​ടി​ക​ളോ​ടെ വി​ദ​ഗ്ധ​ർ അ​ട​ങ്ങി​യ സ​ദ​സ്സ് ഏ​റ്റെ​ടു​ത്തു.

​അ​വ​ത​ര​ണ​ത്തി​നു പി​ന്നാ​ലെ, വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള മ്യൂ​സി​യം പ്ര​തി​നി​ധി​ക​ളും വി​ദ​ഗ്ധ​രു​മെ​ല്ലാം ഈ ​മേ​ഖ​ല​യി​ലെ വി​ക​സ​ന​ത്തി​ന് കൂ​ടു​ത​ൽ ഉ​പ​ദേ​ശം തേ​ടി ഈ ​മ​ല​യാ​ളി​യെ സ​മീ​പി​ച്ചു.

ഇ​ന്റ​ർ​കോ​മി​നെ​ത്തി​യ വി​വി​ധ മ്യൂ​സി​യ​ങ്ങ​ളും സ​ർ​വ​ക​ലാ​ശാ​ലാ മ്യൂ​സി​യം വി​ഭാ​ഗ​ങ്ങ​ളു​മാ​യി അ​ലീ​ഗ​ഢ് സ​ർ​വ​ക​ലാ​ശാ​ല മ്യൂ​സി​യം വ​കു​പ്പി​ന്റെ സ​ഹ​ക​ര​ണ​വു​മാ​യി ബ​ന്ധ​പ്പെ​ട്ട ച​ർ​ച്ച​ക്കും വ​ഴി​യൊ​രു​ങ്ങി​യ​താ​യി അ​ദ്ദേ​ഹം ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.

ഖ​ത്ത​ർ മ്യൂ​സി​യം​സ് ചെ​യ​ർ​പേ​ഴ്സ​നും സ​മ്മേ​ള​ന​ത്തി​ന്റെ ഉ​ദ്ഘാ​ട​ക​യു​മാ​യ ശൈ​ഖ മ​യാ​സ ബി​ൻ​ത് ഹ​മ​ദ് ആ​ൽ​ഥാ​നി​യു​മാ​യി കൂ​ടി​ക്കാ​ഴ്ച ന​ട​ത്തി. അ​ലീ​ഗ​ഢും ഖ​ത്ത​ർ മ്യൂ​സി​യ​വു​മാ​യി അ​ക്കാ​ദ​മി​ക് സ​ഹ​ക​ര​ണം സം​ബ​ന്ധി​ച്ച് പ​ദ്ധ​തി സ​മ​ർ​പ്പി​ച്ചു. ഒ​മാ​ൻ മ്യൂ​സി​യം ഡ​യ​റ​ക്ട​ർ ജ​ന​റ​ൽ അ​ൽ യ​ഗ്ദാ​ൻ ബി​ൻ അ​ബ്ദു​ല്ല, താ​യ്വാ​ൻ നാ​ഷ​ന​ൽ യൂ​നി​വേ​ഴ്സി​റ്റി എ​ന്നി​വ​യു​മാ​യും അ​ക്കാ​ദ​മി​ക് സ​ഹ​ക​ര​ണം സം​ബ​ന്ധി​ച്ച് ച​ർ​ച്ച ന​ട​ത്തി​യ​താ​യി ഇ​ദ്ദേ​ഹം പ​റ​ഞ്ഞു. കോ​ഴ്സ് സ​ഹ​ക​ര​ണം, വി​ദ്യാ​ർ​ഥി​ക​ളു​ടെ​യും അ​ധ്യാ​പ​ക​രു​ടെ​യും കൈ​മാ​റ്റം, അ​ക്കാ​ദ​മി​ക് പ​ങ്കു​വെ​പ്പ്, ഗ​വേ​ഷ​ണ മേ​ഖ​ല​യി​ലെ സ​ഹ​ക​ര​ണം എ​ന്നി​വ​യി​ലാ​യി​രി​ക്കും സ​ഹ​ക​ര​ണം.

ര​ണ്ട​ര പ​തി​റ്റാ​ണ്ടു കാ​ലും മ്യൂ​സി​യം ഗ​വേ​ഷ​ണ​ത്തി​ലും അ​ക്കാ​ദ​മി​ക് ത​ല​ത്തി​ലും പ്ര​വ​ർ​ത്തി​ക്കു​ന്ന അ​ബ്ദു​ൽ റ​ഹീ​മി​ന് ഖ​ത്ത​റി​ലെ വി​വി​ധ മ്യൂ​സി​യ​ങ്ങ​ൾ സ​ന്ദ​ർ​ശി​ച്ച​പ്പോ​ൾ വ​ലി​യ മ​തി​പ്പ്. മു​ഗ​ൾ രാ​ജ വം​ശ​കാ​ല​ത്തെ വാ​ളും കി​രീ​ട​ങ്ങ​ളും മു​ത​ൽ ​പൗ​രാ​ണി​ക കാ​ല​ത്തെ രേ​ഖ​ക​ൾ, ലി​ഖി​ത​ങ്ങ​ൾ തു​ട​ങ്ങി അ​മൂ​ല്യ ശേ​ഖ​ര​ങ്ങ​ൾ ക​ണ്ട​തി​ന്റെ സ​ന്തോ​ഷം അ​ദ്ദേ​ഹം പ​ങ്കു​വെ​ച്ചു. ഇ​സ്ലാ​മി​ക പൈ​തൃ​ക​വും, പൗ​രാ​ണി​ക ​കാ​ഴ്ച​ക​ളു​മെ​ല്ലാം ഖ​ത്ത​റി​ലെ വി​വി​ധ മ്യൂ​സി​യ​ങ്ങ​ളി​ലൂ​ടെ ലോ​ക​ത്തി​ന് കാ​ഴ്ച​വെ​ക്കാ​ൻ ക​ഴി​യു​ന്ന​താ​യും മൂ​ന്നു പ​തി​റ്റാ​ണ്ടി​ന​ടു​ത്ത് ഈ ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ഇ​ദ്ദേ​ഹം പ​റ​യു​ന്നു.

അ​ബ്ദു​ൽ റ​ഹീം തി​രൂ​ര​ങ്ങാ​ടി പി.​എ​സ്.​എം.​ഒ കോ​ള​ജി​ൽ നി​ന്നും ബി​രു​ദം ക​ഴി​ഞ്ഞ​തി​നു പി​ന്നാ​ലെ, 1987ൽ ​അ​ലീ​ഗ​ഢി​ലെ​ത്തി എം.​എ​സ്.​എ​സി സു​വോ​ള​ജി​യി​ൽ ബി​രു​ദാ​ന​ന്ത​ര ബി​രു​ദം​നേ​ടി. പി​ന്നീ​ട് മ്യൂ​സി​യോ​ള​ജി​യി​ൽ തു​ട​ർ​പ​ഠ​ന​വും ഗ​വേ​ഷ​ണ​വും പൂ​ർ​ത്തി​യാ​ക്കി. 1998 മു​ത​ൽ അ​ലീ​ഗ​ഢി​ൽ അ​ധ്യാ​പ​ക​നാ​യി. പി​ന്നീ​ട്, വി​വി​ധ പ​ദ​വി​ക​ൾ വ​ഹി​ച്ച് ഇ​പ്പോ​ൾ വ​കു​പ്പ് ത​ല​വ​നാ​ണ്. അ​ന്താ​രാ​ഷ്ട്ര ത​ല​ത്തി​ൽ നി​ര​വ​ധി സ​മ്മേ​ള​ന​ങ്ങ​ളി​ൽ പ​​ങ്കെ​ടു​ക്കു​ക​യും വി​ഷ​യ​ങ്ങ​ൾ അ​വ​ത​രി​പ്പി​ക്കു​ക​യും ജേ​ണ​ലു​ക​ളി​ൽ പ്ര​ബ​ന്ധം പ്ര​സി​ദ്ധീ​ക​രി​ക്കു​ക​യും ചെ​യ്ത അ​ബ്ദു​ൽ റ​ഹീം ഐ​കോ ഇ​ന്ത്യ​ൻ ജ​ന​റ​ൽ സെ​ക്ര​ട്ട​റി​യാ​ണ്. അ​ലി​ഗ​ഢി​ലെ വ​കു​പ്പ് മേ​ധാ​വി പ​ദ​വി​ക്കൊ​പ്പം 14 മ്യൂ​സി​യ​ങ്ങ​ളു​ടെ ​ഡെ​പ്യൂ​ട്ടി കോ​ഓ​ഡി​നേ​റ്റ​റാ​യും, താ​ജ്മ​ഹ​ൽ സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട് റ​ഷ്യ​ൻ പ​ങ്കാ​ളി​ത്ത​ത്തി​ൽ നാ​നോ​ടെ​ക് സാ​​ങ്കേ​തി​ക വി​ദ്യ ഉ​പ​യോ​ഗി​ച്ച് ന​ട​പ്പാ​ക്കു​ന്ന പ്ര​വ​ർ​ത്ത​ങ്ങ​ളി​ലും സ​ഹ​ക​രി​ക്കു​ന്നു.

അ​ലീ​ഗ​ഢി​ൽ സ്കൂ​ൾ അ​ധ്യാ​പി​ക​യാ​യി ജോ​ലി​ചെ​യ്യു​ന്ന മും​താ​സാ​ണ് ഭാ​ര്യ. മ​ലേ​ഷ്യ​യി​ൽ ഗ​വേ​ഷ​ക വി​ദ്യാ​ർ​ഥി​യാ​യ മു​ഹ​മ്മ​ദ് മ​ൻ​സൂ​ർ അ​ലീ​ഗ​ഢി​ൽ വി​ദ്യാ​ർ​ഥി​യാ​യ ആ​യി​ഷ ന​സിം എ​ന്നി​വ​ർ മ​ക്ക​ളാ​ണ്.