മസ്കത്ത്: ജി.സി.സി രാജ്യങ്ങളിലെ ആരോഗ്യ മന്ത്രാലയം അണ്ടർ സെക്രട്ടറിമാരുടെ യോഗം ഒാൺലൈനിൽ നടന്നു. ജി.സി.സി രാഷ്ട്രങ്ങൾക്കിടയിൽ ഏകീകൃത യാത്ര നടപടിക്രമങ്ങൾ ഏർപ്പെടുത്തുന്നത് യോഗം ചർച്ച ചെയ്തു. ഏകീകൃത രോഗ പ്രതിരോധ മാനദണ്ഡങ്ങളും അതിർത്തി പോയൻറുകളിലെ പ്രവേശന നടപടികളും അവലോകനം ചെയ്തു.
ക്വാറൻറീൻ, പി.സി.ആർ പരിശോധന നടപടികളിൽ ജി.സി.സി രാഷ്ട്രങ്ങൾ നടപ്പിലാക്കിയിരിക്കുന്ന മാനദണ്ഡങ്ങളും യോഗം വിശകലനം ചെയ്തു. പുതിയ കോവിഡ് വകേഭദം ബാധിച്ചവരുടെ എണ്ണവും കൈക്കൊണ്ടിരിക്കുന്ന പ്രതിരോധ നടപടികളും യോഗത്തിൽ വിശദീകരിച്ചു. കോവിഡ് വാക്സിൻ വിതരണവുമായി ബന്ധപ്പെട്ട വെല്ലുവിളികളും ചർച്ചക്കെത്തി. ഒമാൻ ആരോഗ്യ മന്ത്രാലയം അണ്ടർ സെക്രട്ടറി ഡോ. മുഹമ്മദ് ബിൻ സൈഫ് അൽ ഹുസ്നിയെ പ്രതിനിധാനം ചെയ്ത് ആരോഗ്യ മന്ത്രാലയത്തിലെ ഡിസീസസ് കൺട്രോൾ ആൻഡ് സർവൈലൻസ് ആക്ടിങ് ഡയറക്ടർ ജനറൽ ഡോ. അമൽ അൽ മാനി പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.