ക​രാ​ർ പു​തു​ക്കി​ല്ല; ഒമാൻ ഫുട്ബാൾകോ​ച്ച്​ പു​​റ​ത്തേ​ക്ക്​

മ​സ്ക​ത്ത്​: കോ​ച്ച് ബ്രാ​ങ്കോ ഇ​വാ​ൻ​കോ​വി​ച്ചു​മാ​യു​ള്ള ക​രാ​ർ പു​തു​ക്കി​ല്ലെ​ന്ന് ഒ​മാ​ൻ ഫു​ട്‌​ബാ​ൾ അ​സോ​സി​യേ​ഷ​ൻ (ഒ.എ​ഫ്.എ) ​അ​റി​യി​ച്ചു. നാ​ലു വ​ർ​ഷ​ത്തെ സേ​വ​ന​ത്തി​നു ശേ​ഷ​മാ​ണ്​ കോ​ച്ചും ഫു​ട്​​ബാ​ൾ അ​സോ​സി​യ​ഷ​നും ​വേ​ർ​പി​രി​യു​ന്ന​ത്.

ഒ​മാ​ൻ ടീ​മി​ന്‍റെ പ​രി​ശീ​ല​ക​നാ​യി ചെ​ല​വ​ഴി​ച്ച കാ​ല​യ​ള​വി​ന് ബ്രാ​ങ്കോ ഇ​വോൻ​കോ​വി​ച്ചി​ന്​ ന​ന്ദി പ​റ​യു​ക​യാ​ണെ​ന്നും അ​ദ്ദേ​ഹ​ത്തി​ന്‍റെ അ​ടു​ത്ത യാ​ത്ര​യി​ൽ എ​ല്ലാ​വി​ധ വി​ജ​യം ആ​ശം​സി​ക്കു​ക​യാ​ണെ​ന്നും ഒ​മാ​ൻ ഫു​ട്​​ബാ​ൾ അ​സാ​സി​യേ​ഷ​ൻ എ​ക്​​സി​ലൂ​ടെ വ്യ​ക്ത​മാ​ക്കി. ടീ​മി​ന്‍റെ മോ​ശം പ്ര​ക​ട​ന​ത്തെ തു​ട​ർ​ന്നു​ കോ​ച്ചി​നെ പു​റ​ത്താ​ക്ക​ണ​​മെ​ന്ന്​ ടൂ​ർ​ണ​മെ​ന്‍റി​ന്‍റെ തു​ട​ക്ക​ത്തി​ൽ​ത​ന്നെ മു​റ​വി​ളി ഉ​യ​ർ​ന്നി​രു​ന്നു. എ​ന്നാ​ൽ, ത​ന്റെ കൈയിൽ മാ​ന്ത്രി​കവ​ടി​യി​ല്ലെ​ന്നും ലോ​ക​ത്തി​ലെ ഏ​റ്റ​വും മോ​ശം ആ​ഭ്യ​ന്ത​ര ലീ​ഗു​ക​ളി​ൽ ഒ​ന്നാ​ണ് ഒ​മാ​നി​ലേതെന്നും​ ക​ണ്ടെ​ത്തി​യ ക​ളി​ക്കാ​രെ​വെ​ച്ചു താ​ൻ പ​ര​മാ​വ​ധി ചെ​യ്തി​ട്ടു​ണ്ട് എ​ന്നും ഇ​വ​ാൻ​കോ​വി​ച്ചും ക​ഴി​ഞ്ഞ ദി​വ​സം തു​റ​ന്ന​ടി​ച്ചി​രു​ന്നു.

അ​സോ​സി​യേ​ഷ​നു​മാ​യി താ​ൻ ഒ​രു​ത​ര​ത്തി​ലു​ള്ള ഒ​ത്തു​തീ​ർ​പ്പി​നും ഇ​ല്ല എ​ന്ന സ​ന്ദേ​ശം പ​രി​ശീ​ല​ക​ൻ ന​ൽ​കി​ക്ക​ഴി​ഞ്ഞു. പോ​ൾ ജോ​സ​ഫ് ലീ​ഗോ​ൺ, ലീ ​റോ​യ്, മി​ലാ​ൻ മെ​ച്ചാ​ള എ​ന്നി​വ​ർ​ക്ക് പു​റ​മെ ആ​രാ​ധ​ക രോ​ഷ​ത്തി​ൽ പു​റ​ത്തേ​ക്കു പോ​കു​ന്ന മ​റ്റൊ​രു പ​രി​ശീ​ല​ക​ൻ കൂ​ടി​യാ​ണ്​ ബ്രാ​ൻ​കോ ഇ​വ​ാൻ​കോ​വി​ച്ച്.

എ​ന്നാ​ൽ പ​രി​ശീ​ല​ക​നെ മാ​റ്റി​യ​തു​കൊ​ണ്ട് മാ​ത്രം ടീം ​മു​ന്നോ​ട്ട് പോ​കു​മോ എ​ന്ന് ക​ണ്ടു​ത​ന്നെ അ​റി​യ​ണം.