മസ്‌കത്ത്: നോർത്ത് അൽ ഷർഖിയയിലെ ഇബ്രയിൽ ചൂയിംഗം പോലെ ചവയ്ക്കുന്ന പുകയിലയും സിഗരറ്റും വിൽപന നടത്തിയതിന് ഒരു പ്രവാസിക്ക് ഒരു മാസം തടവും 2,000 റിയാൽ പിഴയും വിധിച്ചതായി പബ്ലിക് അതോറിറ്റി ഫോർ കൺസ്യൂമർ പ്രൊട്ടക്ഷൻ (പി.എ.സി.പി) അറിയിച്ചു. രാജ്യത്ത് നിരോധിച്ച 6,000 പായ്ക്ക് റെഡ് റോയൽ സിഗരറ്റ്, 150 ചാക്ക് ചവയ്ക്കുന്ന പുകയില, 250 ബാഗ് പാൻ ബഹാർ എന്നിവയും കൂടാതെ 12 ഗുളികകളായ ഷാനയും ഇയാളിൽ നിന്ന് പിടിച്ചെടുത്തിരുന്നു. ചോദ്യംചെയ്യലിൽ ഇദ്ദേഹം കുറ്റം സമ്മതിച്ചതായും പി.എ.സി.പി പുറത്തുവിട്ട പ്രസ്താവനയിൽ ചൂണ്ടിക്കാട്ടി. ശിക്ഷ പൂർത്തിയാക്കിയ ശേഷം ഇദ്ദേഹത്തെ നാടുകടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.